ભરૂચ : ગંધાર ગામે નિ:શુલ્ક મેડિકલ ચેકઅપ કેમ્પ યોજાયો, આરોગ્યલક્ષી સેવાનો લોકોએ લાભ લીધો...
GACL એજ્યુકેશન સોસાયટી, શ્રીમતી જયાબેન મોદી હોસ્પિટલ-અંકલેશ્વર તેમજ વાગરા હેલ્થ બ્લોકના સંયુક્ત ઉપક્રમે નિ:શુલ્ક મેડિકલ ચેકઅપ કેમ્પનું આયોજન કરવામાં આવ્યું હતું.
ભરૂચ જિલ્લાના વાગરા તાલુકાના ગંધાર ગામ ખાતે GACL એજ્યુકેશન સોસાયટી, શ્રીમતી જયાબેન મોદી હોસ્પિટલ-અંકલેશ્વર તેમજ વાગરા હેલ્થ બ્લોકના સહયોગથી નિ:શુલ્ક મેડિકલ ચેકઅપ કેમ્પનું આયોજન કરવામાં આવ્યું હતું. ભરૂચના વાગરા તાલુકાના ગંધાર ગામની પ્રાથમિક શાળા ખાતે GACL એજ્યુકેશન સોસાયટી, શ્રીમતી જયાબેન મોદી હોસ્પિટલ-અંકલેશ્વર તેમજ વાગરા હેલ્થ બ્લોકના સંયુક્ત ઉપક્રમે નિ:શુલ્ક મેડિકલ ચેકઅપ કેમ્પનું આયોજન કરવામાં આવ્યું હતું.
જેમાં મોટી સંખ્યામાં આસપાસના ગામોમાંથી આવેલા લાભાર્થી દર્દીઓએ ભાગ લીધો હતો. આ કેમ્પમાં નાક, કાન, ગળા, આંખ, હાડકા તેમજ અન્ય સર્વરોગના નિષ્ણાંત તબીબોએ દર્દીઓની નિ:શુલ્ક સેવા આપી હતી. આ સાથે જ મીઠાના અગરમાં કામ કરતા અગરિયાઓના આરોગ્યની તપાસ કરવામાં આવી હતી. સમગ્ર કેમ્પ દરમ્યાન સ્થાનિક આગેવાનો, તબીબો, નર્સિંગ સ્ટાફ સહિત મોટી સંખ્યામાં ગ્રામજનો ઉપસ્થિત રહ્યા હતા.
