ભરૂચ: GSRTCને દિવાળીના તહેવારોમાં રૂ.2.60 કરોડની થઈ આવક, 6.80 લાખ મુસાફરોએ મુસાફરીનો લીધો લાભ

ભરૂચ GSRTCને દિવાળી પર્વના તહેવારોમાં 6.80 લાખ મુસાફરોએ 9 દિવસમાં સરકારી બસોમાં મુસાફરી કરતા ₹2.60 કરોડની આવક થઈ છે.

New Update
ભરૂચ: GSRTCને દિવાળીના તહેવારોમાં રૂ.2.60 કરોડની થઈ આવક, 6.80 લાખ મુસાફરોએ મુસાફરીનો લીધો લાભ

ભરૂચ GSRTCને દિવાળી પર્વના તહેવારોમાં 6.80 લાખ મુસાફરોએ 9 દિવસમાં સરકારી બસોમાં મુસાફરી કરતા ₹2.60 કરોડની આવક થઈ છે.

દિવાળી વેકેશન અને તહેવારોને લઈ ભરૂચ એસ.ટી.વિભાગ દ્વારા એક્સ્ટ્રા બસોનું સંચાલન અને એક બસના મુસાફર થાય તો કહે તે જગ્યાથી બસ દોડાવવાનું આયોજન કરાયું હતું.ભરૂચના નવા સિટી સેન્ટર બસ સ્ટોપ, ભોલાવ સેટેલાઇટ ડેપો, અંકલેશ્વર, રાજપીપળા, જંબુસર, ઝઘડિયા ડેપો સાથે ઝાડેશ્વર, નર્મદા ચોકડી સહિતના પિકઅપ સ્ટેન્ડથી બસનું સંચાલન હાથ ધરાયુ હતું.જેમાં એસટી વિભાગ દ્વારા 100 વધુ બસોનું સંચાલન કર્યું હતું.ભરૂચ ST ડેપોના મેનેજર વિશાલ છત્રીવાલાએ માહિતી આપી હતી કે, તહેવારોના દિવસોમાં ડ્રાઈવર - કંડકટર સહિત તમામ સ્ટાફ ફરજ પર હાજર રહ્યો હતો. જેને લઈ મુસાફરોની સંખ્યામાં ગત વર્ષની સરખામણી 61.16 ટકા આવકમાં 28.90 ટકાનો વધારો નોંધાયો છે.ભરૂચ વિભાગમાં તહેવારોના 9 દિવસમાં 6.80 લાખ લોકોએ મુસાફરી કરતા રૂ.2.60 કરોડની આવક થઈ છે. ગત વર્ષ 2.09 કરોડની આવક અને 4.59 લાખ મુસાફરો આ દિવસોમાં મુસાફરી કરી હતી. સૌથી વધુ મુસાફરો અને આવક પડતર દિવસ અને નવા વર્ષે નોંધાઇ હતી.

Read the Next Article

ભરૂચ: ઝઘડિયાની સરસાડ શાળાનો ઇન્ચાર્જ આચાર્ય કલ્પેશ પટેલ 31 હજારની લાંચ લેતા પકડાયો, સ્કૂલ વેન ચાલકો પાસે માંગી હતી લાંચ

પરિવહન યોજના હેઠળ પાસ કરવાના થતા બીલોમાંથી એક મહિનાના બિલના 3000 લેખે કમિશન પેટે આપવાનું લાંચિયા ઇન્ચાર્જ આચાર્ય કલ્પેશ પટેલ જણાવ્યું હતું.

New Update
Sarsad Government Secondary School
ભરૂચના ઝઘડિયાની સરસાડ સરકારી માધ્યમિક શાળામાં ઇન્ચાર્જ આચાર્ય કલ્પેશ બચુભાઇ પટેલે ઈકો ગાડી ચાલકને બાળકોને લાવવા લઈ જવા માટે શાળા પરિવહન યોજના હેઠળ રાખ્યા હતા. પરિવહન યોજના હેઠળ પાસ કરવાના થતા બીલોમાંથી એક મહિનાના બિલના 3000 લેખે કમિશન પેટે આપવાનું લાંચિયા આચાર્યે જણાવ્યું હતું.
જેમાં ઇકો ચાલકના ચાલુ વર્ષના ત્રણ મહિનાના 9000 તેમજ અન્ય એક સ્કૂલ વર્ધિ વાહન ચાલકના વર્ષ 2024ના વાનના રૂપિયા 13000 અને વર્ષ 2025 ના 3 મહિનાના 9000 ના બિલો બાકી હતા. એમ કુલ રૂપિયા 31000 ની બન્ને વાહન ચાલકો પાસે આચાર્યે લાંચની માગણી કરી હતી.બન્ને વાહન ચાલકો લાંચ આપવા માંગતા ન હોય ACB નો સંપર્ક કર્યો હતો.
વડોદરા નાયબ નિયામક પી.એચ. ભેસાણીયાના સુપરવિઝનમાં ભરૂચ ACB PI એમ.જે.શિંદેએ લાંચનું છટકું ગોઠવ્યું હતું.શાળાના કમ્પાઉન્ડમાં જ બન્ને વાહન ચાલકોના બિલો પાસ કરવા કમિશન પેટે ₹31000 ની લાંચ સ્વીકારતા ઇન્ચાર્જ આચાર્ય કલ્પેશ પટેલ રંગેહાથ ઝડપાઇ ગયો હતો. ભરૂચ ACB એ લાંચિયા આચાર્યને ડિટેઇન કરી આગળની કાર્યવાહી હાથ ધરી હતી.