ભરૂચ : "રોડ નહીં, તો વોટ નહીં"ના સૂત્રો સાથે નેત્રંગ-કાંટીપાડાના ગ્રામજનોએ કર્યો ચૂંટણીનો બહિષ્કાર...

ભરૂચ જિલ્લાના નેત્રંગ તાલુકાના કાંટીપાડા ગામ નજીક ઝરણા ફોરેસ્ટ ફળિયાથી નેત્રંગને જોડતો માર્ગ ખાતમુહૂર્ત થયાના 15 વર્ષ બાદ પણ નિર્માણ પામ્યો નથી,

author-image
By Connect Gujarat in ભરૂચ Featured
New Update
ભરૂચ : "રોડ નહીં, તો વોટ નહીં"ના સૂત્રો સાથે નેત્રંગ-કાંટીપાડાના ગ્રામજનોએ કર્યો ચૂંટણીનો બહિષ્કાર...

ભરૂચ જિલ્લાના નેત્રંગ તાલુકાના કાંટીપાડા ગામ નજીક ઝરણા ફોરેસ્ટ ફળિયાથી નેત્રંગને જોડતો માર્ગ ખાતમુહૂર્ત થયાના 15 વર્ષ બાદ પણ નિર્માણ પામ્યો નથી, ત્યારે રોષે ભરાયેલા ગ્રામજનોએ આ વખતે વિધાનસભાની ચૂંટણીના બહિષ્કારનું રણશિંગું ફૂંક્યું છે.

ભરૂચ જિલ્લાના નેત્રંગ તાલુકા મથકથી 3-4 કિ.મી.ના અંતરે આવેલ કાંટીપાડા ગામના ઝરણા ફોરેસ્ટ ફળિયામાં જવા માટે ગામના ભગત ફળિયા તેમજ ઝરણા ગામને તાલુકા મથકને જોડતા સીધા માર્ગનું જિલ્લા સાંસદે વર્ષ 2007માં ખાતમુહૂર્ત કર્યું હતું. જોકે, ખાતમુહૂર્ત બાદ પણ 15 વર્ષનો સમયગાળો વિતી ગયો હોવા છતાં આજદિન સુધી આ માર્ગ નહીં બનતા ગ્રામજનોએ નેત્રંગ મામલતદારને આવેદન પત્ર આપ્યું હતું. એટલું જ નહીં, આગામી વિધાનસભાની ચૂંટણીના બહિષ્કારની પણ ગ્રામજનોએ ચીમકી ઉચ્ચારી છે. ગામના સ્થાનિક આદિવાસી લોકોને માર્ગ નસીબ ન થતા ગ્રામજનોએ આગામી વિધાનસભાની ચૂંટણીનો બહિષ્કાર કરવાના નિર્ણય સાથે બેનર મારી વિરોધ દર્શાવ્યો હતો.

#Bharuch #Connect Gujarat #BeyondJustNews #villagers #slogans #road #Netrang #Kantipada #boycotted elections
Related Articles
Read the Next Article

ભરૂચ: દિવસે ગેસ્ટ હાઉસમાં રહી રાતે દુકાનો-મકાનોમાં ચોરી કરતા 2 રીઢા ચોરની એ ડિવિઝન પોલીસે કરી ધરપકડ

બાતમીના આધારે પોલીસે વોચ ગોઠવી હતીઅને બાતમીવાળા ઈસમો આવતા પોલીસે તેઓને અટકાવી પૂછપરછ કરતા તેઓએ મહાદેવ પ્રોવિઝન સ્ટોરમાં ચોરી કરી હોવાની કબૂલાત કરી

author-image
By Connect Gujarat Desk in ભરૂચ ગુજરાત
New Update

  • ભરૂચ એ ડિવિઝન પોલીસને મળી સફળતા

  • મકાન દુકાનોમાં ચોરી કરતા 2 રીઢા ચોર ઝડપાયા

  • સુરત અને ભરૂચમાં ચોરીના ગુનાઓને આપ્યો હતો અંજામ

  • રૂ.13 હજારનો મુદ્દામાલ જપ્ત કરાયો

  • પોલીસે કાયદેસરની કાર્યવાહી હાથ ધરી

ભરૂચ શહેર એ ડિવિઝન પોલીસે શહેર અને સુરત શહેરમાં થયેલ ચોરીનો ભેદ ઉકેલી શટર તોડ ટોળકીના બે રીઢા સાગરીતો સહિત એક લબરમુછીયાને ઝડપી પાડ્યા હતા.
ભરૂચ શહેર એ ડિવિઝન પોલીસ મથકનો સ્ટાફ પેટ્રોલિંગમાં હતો તે દરમિયાન બાતમી મળી હતી કે ગત તારીખ-19મી જુનના રોજ રાતે નંદેલાવ રોડ ઉપર શુકન રેસિડેન્સીમાં ગ્રાઉન્ડ ફ્લોર પર આવેલ 1થી 3 દુકાનોને નિશાન બનાવી મહાદેવ પ્રોવિઝન સ્ટોર નામની દુકાનનું શટર તોડી ચોરીની ઘટનાને અંજામ આપનાર ઈસમો નંદેલાવ રોડ ઉપર ફરે છે.જેવી બાતમીના આધારે પોલીસે વોચ ગોઠવી હતીઅને બાતમીવાળા ઈસમો આવતા પોલીસે તેઓને અટકાવી પૂછપરછ કરતા તેઓએ મહાદેવ પ્રોવિઝન સ્ટોરમાં ચોરી કરી હોવાની કબૂલાત કરી હતી.
પોલીસે 13 હજારનો મુદ્દામાલ કબ્જે કર્યો હતો અને સુરતના કતારગામના રઘુવીર એપાર્ટમેન્ટમાં રહેતો ડેનિશ ઉર્ફે ડેનિયો ભુપત ઘોઘારી તેમજ પ્રવીણ નારાયણ નાગર અને એક લબરમુછીયાને ઝડપી પાડ્યો હતો.ઝડપાયેલા રીઢા ગુનેગારો અલગ અલગ જિલ્લામાં ગેસ્ટ હાઉસમાં રોકાણ કરી દિવસ દરમિયાન રેકી કરી રાતે બંધ દુકાનના શટર તોડી ચોરીની ઘટનાને અંજામ આપતા હોવાની વૃત્તિ ધરાવે છે.ઝડપાયેલા ઈસમો વિરુદ્ધ અનેક જિલ્લાઓમાં ચોરીના ગુના નોંધાયેલા હોવાનું જાણવા મળ્યું છે.
#Connect Gujarat #Bharuch Police #Bharuch News #crime news #આરોપીની ધરપકડ #ચોરી #ધરપકડ