"શ્રદ્ધા હત્યા કેસ" : હત્યારાને ફાંસીની સજા થાય તેવી માંગ સાથે ભરૂચ AHP અને બજરંગ દળે આપ્યું તંત્રને આવેદન...

દિલ્હીમાં યુવતીની ચકચારી હત્યાથી દેશમાં ઘેરા પ્રત્યાઘાત, આંતરાષ્ટ્રીય હિન્દુ પરિષદ અને બજરંગ દળ ઘટનાને વખોડી

author-image
By Connect Gujarat in ભરૂચ સમાચાર
New Update
"શ્રદ્ધા હત્યા કેસ" : હત્યારાને ફાંસીની સજા થાય તેવી માંગ સાથે ભરૂચ AHP અને બજરંગ દળે આપ્યું તંત્રને આવેદન...

દિલ્હીમાં થયેલ શ્રદ્ધા વોકરની ચકચારી હત્યાના ઘેરા પ્રત્યાઘાતો સમગ્ર દેશ અને ગુજરાતમાં પડ્યા છે, ત્યારે ભરૂચ જિલ્લા આંતરાષ્ટ્રીય હિન્દુ પરિષદ અને બજરંગ દળ દ્વારા કલેક્ટર કચેરી ખાતે આવેદન પત્ર પાઠવી હત્યારાને ફાંસીની સજા થાય તેવી માંગ કરવામાં આવી હતી.

દિલ્હીમાં શ્રદ્ધા વોકર અને આફતાબ અમીન પુનાવાલાની પ્રેમ કહાનીનો લોહિયાળ બદલો જોઈ દેશભરમાં સૌકોઈ આશ્ચર્યચકિત થઈ ગયા છે. વિશ્વાસ કરવું મુશ્કેલ છે કે, કોઈ પ્રેમી તેની પ્રેમિકાને આવી ક્રૂરતાથી મારી તેના ટુકડે-ટુકડા કરી શકે છે. જોકે, હત્યારો આફતાબ પોલીસની પકડમાં છે, ત્યારે ગુનેગારને ફાંસીની સજા થાય તે માટે દેશ અને ગુજરાતભરમાં વિરોધ પ્રદર્શન થઈ રહ્યા છે. તેવામાં ભરૂચ જિલ્લા આંતરાષ્ટ્રીય હિન્દુ પરિષદ અને બજરંગ દળ દ્વારા આ ઘટનાને વખોડી કાઢવામાં આવી છે. આંતરાષ્ટ્રીય હિન્દુ પરિષદ અને અને બજરંગ દળના આગેવાનોએ જિલ્લા કલેક્ટર કચેરી ખાતે આવેદન પત્ર પાઠવી આ મામલે રજૂઆત કરી હતી. જેમાં આવેદન પત્રમાં જણાવ્યા અનુસાર, હત્યારા વિરુદ્ધ ફાસ્ટ ટ્રેક કોર્ટમાં કેસ ચલાવી વહેલી તકે તેને ફાંસીની સજા થાય તેવી માંગ કરવામાં આવી હતી.

#Shraddha Murder Case #Aftab #Murder Case #AHP #Dilhi #BeyondJustNews #Connect Gujarat #Shradhha #Bajrang Dal petition #Bharuch #punishment
Related Articles
Latest Stories
Read the Next Article

ભરૂચ : માધ્યમિક શાળાના કર્મચારીઓની કો-ઓપરેટીવ ક્રેડીટ સોસાયટીની 58મી સામાન્ય સભા યોજાઈ

ધી ભરૂચ નર્મદા જિલ્લા માધ્યમિક શાળાના કર્મચારીઓની કો ઓપરેટીવ ક્રેડિટ સોસાયટીની 58મી સામાન્ય સભા મળી હતી.જેમાં અમદાવાદ ખાતેના પ્લેન દુર્ઘટનાનાં મૃતકોને શ્રદ્ધાંજલિ આપવામાં આવી

author-image
By Connect Gujarat Desk in ભરૂચ સમાચાર
New Update

  • કર્મચારીઓની કો-ઓપ.ક્રેડીટ સોસા.ની 58મી સામાન્ય સભા

  • ભરૂચ ડિસ્ટ્રિક્ટ બેંકના સભાખંડ ખાતે યોજાય સામાન્ય સભા

  • અમદાવાદ પ્લેન ક્રેશનાં મૃતકોને પાઠવી શ્રદ્ધાંજલિ

  • બાળકોને શૈક્ષણિક કીટનું પણ કરાયું વિતરણ

  • નિવૃત સભાસદોનું ઉપસ્થિત મહાનુભાવો દ્વારા કરાયું સન્માન   

ભરૂચની ડિસ્ટ્રિક્ટ બેંકના સભાખંડ ખાતે ઘી ભરૂચ નર્મદા જિલ્લા માધ્યમિક શાળાના કર્મચારીઓની કો-ઓપરેટીવ ક્રેડીટ સોસાયટીની 58મી સામાન્ય સભા મળી હતી.

ભરૂચની ડિસ્ટ્રિક્ટ બેંકના સભાખંડ ખાતે ધી ભરૂચ નર્મદા જિલ્લા માધ્યમિક શાળાના કર્મચારીઓની કો ઓપરેટીવ ક્રેડિટ સોસાયટીની 58મી સામાન્ય સભા મળી હતી.જેમાં અમદાવાદ ખાતેના પ્લેન દુર્ઘટનાનાં મૃતકોને શ્રદ્ધાંજલિ આપવામાં આવી હતી,આ ઉપરાંત  બાળકોને શૈક્ષણિક કીટનું વિતરણ પણ કરવામાં આવ્યું હતું.

આ સામાન્ય સભામાં નિવૃત્ત થયેલા સભાસદોનું સન્માન પણ કરવામાં આવ્યું હતું.અને સભામાં સંસ્થાના સભ્યો સાથે વિકાસ અંગે ચર્ચા વિચારણા કરવામાં આવી હતી.આ પ્રસંગે ભરૂચ જિલ્લા શાળા સંચાલક મંડળ પ્રમુખ પ્રવીણસિંહ રણા,કિરીટસિંહ ધરિયા,અજય રણા,ડિસ્ટ્રિક્ટ બેંકના ડિરેક્ટર રવિન્દ્ર રણા સહિત ગુજરાત રાજ્ય સહકારી સંઘ પ્રમુખ ઉપસ્થિત રહ્યા હતા.

#general meeting #સામાન્ય સભા #Bharuch News #Gujarati News #Cooperative Credit Society
Latest Stories