સિક્યુરિટીઝ એન્ડ એક્સચેન્જ બોર્ડ ઓફ ઈન્ડિયા (સેબી) એ ભાગેડૂ ઉદ્યોગપતિ વિજય માલ્યાને ત્રણ વર્ષ માટે સિક્યોરિટી માર્કેટમાં પ્રવેશ પર પ્રતિબંધ મૂક્યો હતો.
લીકર બિઝનેસમેનને ત્રણ વર્ષ માટે કોઈપણ લિસ્ટેડ કંપનીમાં કોઈ પદ પર રહેવા પર પણ પ્રતિબંધ મૂકવામાં આવ્યો હતો. સેબીએ માલ્યાના તમામ શેર, મ્યુચ્યુઅલ ફંડ યુનિટ સહિત તમામ સિક્યોરિટીઝ હોલ્ડિંગને ફ્રીજ કરવાનો આદેશ કર્યો હતો.
સેબીએ કહ્યું હતું કે માલ્યા મેટરહોર્ન વેન્ચર્સ નામની FII એન્ટિટી મારફતે ભારતમાં તેની ગ્રુપ એન્ટિટીની સ્ક્રીપ્ટમાં પરોક્ષ રીતે અત્યાર સુધી ટ્રેડ કરતો રહ્યો છે અને સિક્યોરિટીઝ માર્કેટમાં તેના રોકાણની સાચી ઓળખ છુપાવી રહ્યો છે. હવે તે શક્ય નહીં બને. સેબીના આદેશ અનુસાર, એફઆઈઆઈ એન્ટિટીનો ઉપયોગ અગાઉની સ્પિરિટ કંપની હર્બર્ટ સન અને યુનાઇટેડ સ્પિરિટ્સ (યુ એસ એલ)ના શેરના સોદા માટે કરવામાં આવ્યો હતો. મર્જર અને એક્વિઝિશન દ્વારા હર્બર્ટ સન્સ એ યુએસએલ બની ગઈ હતી, જેની માલિકી હાલમાં બ્રિટિશ મલ્ટિનેશનલ ડિયાજિયોની છે. સેબીએ કહ્યું હતું કે માલ્યાનું આ પ્રકારનું કૃત્ય ફ્રોડ અને ચોરીછૂપીથી થતુંકૃત્ય તો છે જ, પરંતુ સિક્યોરિટીઝ માર્કેટ માટે પણજોખમ છે.
