આજે શેરબજારમાં ઉતાર-ચઢાવ, સેન્સેક્સ-નિફ્ટી લીલા અને લાલ નિશાન પર

શેરબજારના બંને સૂચકાંકો આજે મર્યાદિત રેન્જમાં ટ્રેડ થઈ રહ્યા છે. ઇન્ડસઇન્ડ બેન્કના શેરમાં ભારે ઘટાડા અને સતત વિદેશી ભંડોળના ઉપાડને કારણે બજારે તેનો પ્રારંભિક લાભ ગુમાવ્યો હતો.

શરૂઆતના વેપારમાં BSE સેન્સેક્સ 130.56 પોઈન્ટ વધીને 80,195.72 પર પહોંચ્યો હતો. NSE નિફ્ટી 36.9 પોઈન્ટ વધીને 24,436.30 પર છે. જોકે, વેચવાલીના દબાણને કારણે બંને સૂચકાંકો લાલ નિશાનમાં ટ્રેડ થયા હતા. BSE બેન્ચમાર્ક 197.47 પોઈન્ટ ઘટીને 79,875.03 પર ટ્રેડ કરી રહ્યો હતો અને નિફ્ટી 89.20 પોઈન્ટ ઘટીને 24,310.20 પર ટ્રેડ કરી રહ્યો હતો.

આજના ટોપ ગેઇનર્સ અને લુઝર્સ સ્ટોક્સ

ઈન્ડસઈન્ડ બેંકના શેર આજે સેન્સેક્સમાં ભારે ઘટાડા સાથે ટ્રેડ થઈ રહ્યા છે. બેંકે ગઈકાલે તેના ત્રિમાસિક પરિણામો જાહેર કર્યા હતા. બેન્કે જણાવ્યું કે સપ્ટેમ્બર ક્વાર્ટરમાં નફો 40 ટકા ઘટીને રૂ. 1,331 કરોડ થયો છે.