અમરેલી : રાજુલાના મોરંગી ગામમાં જન્માષ્ટમીની કોમી એખલાસથી ઉજવણી...

અમરેલી જિલ્લાના રાજુલા તાલુકાના મોરંગી ગામમાં હિન્દુ ધર્મના મહાપર્વ જન્માષ્ટમી નિમિત્તે મારુતિ મિત્ર મંડળ દ્વારા ભવ્ય ઉજવણી કરવામાં આવી હતી, ત્યારે શોભાયાત્રા દરમ્યાન હિન્દુ-મુસ્લિમ કોમી એકતાના પણ દર્શન થયા હતા. કોરોનાની ગાઈડલાઈન જાળવી રાખી મુસ્લીમ સમાજના આગેવાનો દ્વારા શરબત અને ઠંડા પાણીનું વિતરણ કરવામાં આવ્યું હતું. એટલું જ નહીં નાના કાનુડા માટે માખણની વ્યવસ્થા કરી મટકી ફોડનું પણ આયોજન કરવામાં આવ્યું હતું. આ અવસરે ગામના સ્થાનિકો સહીત આગેવાનો વિશેષ ઉપસ્થિત રહ્યા હતા, ત્યારે જન્માષ્ટમીના પાવન પર્વે મોરંગી ગામમાં હિન્દુ-મુસ્લિમ ભાઇચારાનું ઉદાહરણ જોવા મળ્યું હતું.