• હોળીના પર્વને ગણતરીનો સમય બાકી

• ભરૂચમાં વૈદિક હોળીનું ચલણ વધ્યું

• ગૌ સ્ટીકથી હોળી પ્રગટાવવામાં આવે છે

• 25 ટન ગૌ સ્ટીકનું વેચાણ

• લાકડાના વેચાણમાં નોંધપાત્ર ઘટાડો

હોળીનો તહેવાર ભારતીય સંસ્કૃતિમાં અનોખું ધાર્મિક મહત્વ ધરાવે છે. હોળીનો તહેવાર ફાગણ મહિનામાં આવતો તહેવાર છે. આ સમય દરમિયાન શિયાળો પૂર્ણતાના આરે અને ઉનાળા ઋતુની શરૂઆત થતી હોય છે. આ સમય દરમિયાન લોકોને અનેક બીમારીઓ થતી હોય છે ત્યારે હોળી પ્રગટાવવાથી વાતાવરણમાં રહેલા બેક્ટેરિયાનો નાશ થાય છે અને વાતાવરણ શુદ્ધ બને છે ત્યારે હવે ભરૂચમાં વૈદિક હોળીનું મહત્વ વધ્યું છે.

ઠેર ઠેર ગાયના છાણમાંથી બનાવેલી ગોબર સ્ટીકથી હોળી પ્રગટાવવામાં આવે છે ભરૂચના જે.બી. મોદી પાર્ક નજીક પાંજરાપોળ આવેલી છે.આ પાંજરાપોળમાં 500થી વધુ ગૌવંશ રાખવામાં આવ્યા છે ત્યાતે ગાયના છાણાનું હોળીના તહેવાર દરમિયાન વેચાણ વધ્યું છે. આ ઉપરાંત પાંજરાપોળને  તાજેતરમાં જ ગાયના છાણમાંથી ગૌ સ્ટીક બનાવવાનું મશીન પણ દાનમાં આપવામાં આવ્યું છે જેમાંથી ગૌ સ્ટીક બનાવવાનું શરૂ કરવામાં આવ્યું છે.

આ તરફ ભરૂચના સચ ચેતના પર્યાવરણ સંગઠન દ્વારા પણ હોળીના પર્વ પર 25 ટન જેટલી ગોબર સ્ટીકનું વેચાણ કરવામાં આવ્યું છે ત્યારે ઠેર ઠેર વૈદીક હોળી પ્રજ્વલિત કરવામાં આવશે.