ભરૂચ: ધોરણ ૧૦ બોર્ડનું ૬૪% પરિણામ જાહેર, A-1 ગ્રેડમાં 214 વિદ્યાર્થીઓ

ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા લેવામાં આવેલ ધોરણ 10 બોર્ડની પરીક્ષાનું આજરોજ પરિણામ જાહેર થયું છે ત્યારે ભરૂચ જિલ્લાનું 64% પરિણામ આવ્યું છે ભરૂચ જિલ્લામાં ધોરણ ૧૦નું પરિણામ જાહેર થતા જ વહેલી સવારથી જ છાત્રોએ સાઇબર કેફે તથા ઇન્ટરનેટ ઉપર પોતાનું પરિણામ જાણવા માટે દોટ મૂકી હતી ભરૂચ જિલ્લાનું ૬૪ ટકા પરિણામ જાહેર થયું છે..

જેમાં ધોરણ-૧૦ની પરીક્ષામાં ૧૯૩૪૪ નોંધાયા હતા જેમાં ૧૨૫૦૮ છાત્રો પાસ થયા છે જ્યારે ૬૮૩૬ છાત્રો નાપાસ થયા છે ભરૂચ જિલ્લામાં પરિણામ જાહેર થતા જ કહી ખુશી કહી ગમનો માહોલ જોવા મળ્યો હતો તો ભરૂચ જિલ્લામાં શૈક્ષણિક શાળાઓમાં પણ ઉતીર્ણ થયેલા વિદ્યાર્થીઓ અને વાલીઓએ એકબીજાનું મોઢું મીઠું કરાવ્યું ખુશી વ્યક્ત કરી હતી...