'સેલ્ફી'ની ફ્લોપને બાદ અક્ષય કુમારને ફરી એક ઝટકો, ધ એન્ટરટેનર્સનો કોન્સર્ટ કેન્સલ
અક્ષય કુમાર હિન્દી સિનેમાનો અનુભવી સ્ટાર છે તેણે એકથી વધુ ફિલ્મોમાં કામ કર્યું છે. વર્ષ 2022માં અક્ષય કુમારે ઘણી ફિલ્મો કરી પરંતુ બધી જ ફ્લોપ રહી.
અક્ષય કુમાર હિન્દી સિનેમાનો અનુભવી સ્ટાર છે તેણે એકથી વધુ ફિલ્મોમાં કામ કર્યું છે. વર્ષ 2022માં અક્ષય કુમારે ઘણી ફિલ્મો કરી પરંતુ બધી જ ફ્લોપ રહી. આ વર્ષે અભિનેતાની સેલ્ફી સિનેમાઘરોમાં રિલીઝ થઈ છે. ફિલ્મનું ટ્રેલર ચાહકોને પસંદ આવ્યું હતું, ત્યારપછી લોકો ફિલ્મની આતુરતાથી રાહ જોઈ રહ્યા હતા. ગયા શુક્રવારે સિનેમાઘરોમાં સેલ્ફી રજૂ કરવામાં આવી હતી, પરંતુ દર્શકોને વાર્તા બિલકુલ પસંદ ન આવી અને ફિલ્મ ફ્લોપ થઈ. હવે અક્ષય કુમાર માટે વધુ એક દુખદ સમાચાર સામે આવ્યા છે.
અક્ષય કુમાર છેલ્લા કેટલાક દિવસોથી પોતાની વિદેશ યાત્રા ધ એન્ટરટેનર્સને લઈને ચર્ચામાં છે. નોરા ફતેહી, દિશા પટણી, મૌની રોય, સોનમ બાજવા, જસલીન રોયલ, અપારશક્તિ ખુરાના અને સ્ટેબિન બેન પણ અભિનેતા સાથે પ્રવાસમાં છે. પરંતુ હવે આ પ્રવાસ વિશે માહિતી આવી રહી છે કે તે રદ કરવામાં આવ્યો છે. તમને જણાવી દઈએ કે એન્ટરટેનર્સ ટૂરનો કોન્સર્ટ 4 માર્ચે યોજાવાનો હતો.
શોના પ્રમોટર્સે શો રદ કરવાની જાહેરાત કરી છે. અહેવાલો અનુસાર, પ્રવાસના પ્રમોટર દ્વારા એક નિવેદન જારી કરવામાં આવ્યું છે. આ રિપોર્ટમાં તેણે કહ્યું છે કે, ટિકિટના ઓછા વેચાણને કારણે શો કેન્સલ કરવાનો નિર્ણય લેવામાં આવ્યો છે. કારણ કે પ્રમોટર્સ કોઈપણ પ્રકારનું નુકસાન સહન કરવા માંગતા નથી. પ્રમોટર્સે એમ પણ કહ્યું છે કે જેમણે શો માટે ટિકિટ ખરીદી છે તેમને તેમના પૈસા વહેલી તકે પરત મળી જશે.
