અથિયા-રાહુલના લગ્નની તારીખ જાહેર?, આ હશે લગ્નનું સ્થળ!

આથિયા શેટ્ટી અને કેએલ રાહુલ તેમના લગ્નના સમાચારોને લઈને ઘણા સમયથી ચર્ચામાં છે. અવારનવાર બંનેના લગ્નને લગતા કોઈને કોઈ અપડેટ સામે આવતા રહે છે. હવે સમાચાર આવી રહ્યા છે કે બંને આ મહિના પછી લગ્ન કરી શકે છે. જોકે બંનેના લગ્નની તારીખ જાહેર કરવામાં આવી નથી.

મીડિયા રિપોર્ટ્સ અનુસાર બંનેના લગ્નની વિધિ સુનીલ શેટ્ટીના આલીશાન બંગલામાં કરવામાં આવશે. તમને જણાવી દઈએ કે સુનીલ શેટ્ટીનો ખંડાલામાં પહાડોની વચ્ચે બનેલો બંગલો કોઈ રિસોર્ટથી ઓછો નથી. કેએલ રાહુલ અને આથિયાના લગ્ન માટે આ પરફેક્ટ છે. રિપોર્ટ્સ અનુસાર, કેએલ રાહુલ-આથિયા શેટ્ટીનું ઘર રણબીર-આલિયાના બાંદ્રા ઘરથી બે બિલ્ડિંગ દૂર હશે. એટલું જ નહીં, એવું કહેવામાં આવી રહ્યું છે કે લગ્ન પછી એપ્રિલમાં તેમનું ભવ્ય રિસેપ્શન યોજાશે. આ એક પ્રાઈવેટ ફંક્શન જેવું હશે, જેમાં ક્રિકેટ જગત, બોલિવૂડ અને કેટલાક બિઝનેસ ફ્રેન્ડ્સ હાજરી આપે તેવી અપેક્ષા છે. આ સિવાય રિસેપ્શનમાં માત્ર સુનીલ શેટ્ટી અને કેએલ રાહુલના પરિવારના સભ્યો જ હાજર રહેશે.

તમને જણાવી દઈએ કે અથિયા અને કેએલ રાહુલ ઘણીવાર સોશિયલ મીડિયા પર એકબીજા સાથે મસ્તી કરતા તસવીરો શેર કરે છે. હાલમાં જ બંને નવા વર્ષની ઉજવણી કરવા દુબઈ પહોંચ્યા હતા. આની તસવીરો તેણે સોશિયલ મીડિયા પર પણ શેર કરી છે. તેની તસવીરો પણ ફેન્સને પસંદ આવી રહી છે.