અમિતાભ બચ્ચનથી લઈને શાહરૂખ સુધીના આ સ્ટાર્સ કોલકાતા ઈન્ટરનેશનલ ફિલ્મ ફેસ્ટિવલમાં થશે સામેલ

કોલકાતા ઇન્ટરનેશનલ ફિલ્મ ફેસ્ટિવલ 15 ડિસેમ્બરથી શરૂ થઈ રહ્યો છે, જે 22 ડિસેમ્બર સુધી ચાલશે. આ 28માં કોલકાતા ઈન્ટરનેશનલ ફિલ્મ ફેસ્ટિવલ (KIFF 2022), બોલિવૂડના શહેનશાહ અમિતાભ બચ્ચન તેમની પત્ની જયા બચ્ચન સાથે સામેલ થશે. આમાં બિગ બી ઉપરાંત શાહરૂખ ખાન પણ સામેલ થશે.

આ ફિલ્મ ફેસ્ટિવલમાં શાહરૂખ ખાન અને અમિતાભ બચ્ચનને ગેસ્ટ ઓફ ઓનર તરીકે સન્માનિત કરવામાં આવશે. આ ફિલ્મ ફેસ્ટિવલમાં બિગ બી અને શાહરૂખ ખાન ઉપરાંત બોલિવૂડના ઘણા સ્ટાર્સ ભાગ લેશે. આ યાદીમાં અભિનેત્રી રાની મુખર્જી, નિર્દેશક મહેશ ભટ્ટ, ગાયક કુમાર સાનુ અને શત્રુઘ્ન સિન્હા જેવા સેલેબ્સના નામ સામેલ છે.

તાજેતરમાં જ શાહરૂખ ખાને સાઉદી અરેબિયામાં આયોજિત 'રેડ સી ફિલ્મ ફેસ્ટિવલ 2022'માં હાજરી આપી હતી. અહીં DDLJનું સ્પેશિયલ સ્ક્રીનિંગ કરવામાં આવ્યું હતું અને બોલિવૂડના સુપરસ્ટાર્સને વિશેષ સન્માન આપવામાં આવ્યું હતું. આ દિવસોમાં અભિનેતા તેની આગામી ફિલ્મ 'પઠાણ'ને લઈને ચર્ચામાં છે. આ ફિલ્મમાં શાહરૂખની સામે દીપિકા પાદુકોણ જોવા મળશે.

કોલકાતા ઇન્ટરનેશનલ ફિલ્મ ફેસ્ટિવલની 28મી આવૃત્તિ 15મી ડિસેમ્બરથી શરૂ થશે અને 22મી ડિસેમ્બર સુધી ચાલશે. IFF દરમિયાન ભારત અને વિદેશની વિવિધ ફિલ્મો અને દસ્તાવેજી દર્શાવવામાં આવશે. અહેવાલો અનુસાર, 57 દેશોમાંથી કુલ 1078 ફિલ્મોએ અરજી કરી હતી, જેમાંથી 42 દેશોમાંથી માત્ર 183 ફિલ્મોને ફિલ્મ ફેસ્ટિવલ માટે પસંદ કરવામાં આવી છે. 10 સ્થળો પર લગભગ 215 શો પ્રદર્શિત કરવામાં આવશે.