હેપ્પી બર્થ ડે "Big B" : અમિતાભ બચ્ચનના ડાંગ જિલ્લાની મુલાકાતના સંસ્મરણો, 2 દિવસ કર્યું હતું એડ ફિલ્મનું શુટીંગ
“ગુજરાત કી આંખો કા તારા, સાપુતારા”ને વૈશ્વિક ઓળખ પ્રદાન કરનારા મહાનાયક અમિતાભ બચ્ચનનો આજે 80મો જન્મ દિવસ છે.
"ગુજરાત કી આંખો કા તારા, સાપુતારા"ને વૈશ્વિક ઓળખ પ્રદાન કરનારા મહાનાયક અમિતાભ બચ્ચનનો આજે 80મો જન્મ દિવસ છે. આ વેળા તેમની ડાંગ મુલાકાતના સંસ્મરણો વાગોળતા આહવાના વિઝન પેલેસના બાલાભાઈએ ચાય પે ચર્ચા કરતા કહ્યું હતું કે, અમિતાભ બચ્ચનની 2 દિવસની ડાંગ જિલ્લાની એ મુલાકાત ક્યારેય ભુલી શકાય તેમ નથી.
પડછંડ કાયા, ઘેઘુર અવાજ અને ખૂબ જ નોખી પ્રતિભા ધરાવતા અમિતાભ બચ્ચનનો સાક્ષાત્કાર, અને તેમની બિલકુલ નજીક કરો કે, અડોઅડ 2 દિવસ સાથે રહેવાનો મોકો મળ્યો હતો. દરઅસલ વાત એમ છે કે, આહવાના આ બાલાભાઈ પાસે અને 2012થી મહિન્દ્રા જીપ (540 મોડેલ) છે. ખુશ્બુ ગુજરાત કી એડ ફિલ્મમાં જ્યારે સાપુતારાનું શુટીંગ ચાલી રહ્યું હતું, ત્યારે ગુજરાત ટુરીઝમે આ ખુલ્લી જીપનો બચ્ચન બાબુ માટે ઉપયોગ કર્યો હતો. આ જીપ અમિતાભ બચ્ચને સ્વયં ડ્રાઈવ કરીને એડ ફિલ્મનું ફિલ્માંકન પૂર્ણ કર્યું હતું. વ્હાઈટ સ્પોર્ટ્સ શુઝ, બ્લુ જીન્સ, વ્હાઈટ શર્ટ અને બ્લેક જેકેટમાં સજ્જ અમિતાભ બચ્ચને ગિરિમથક સાપુતારાની તળેટીમાં શામગહાન-ચીખલી ખાતે ખુશ્બુ ગુજરાત કી એડ ફિલ્મનું મન મૂકીને ફિલ્માંકન કર્યું હતું. આ વેળા ચીખલી ગામે તેમણે ટ્રેડિશનલ ડાંગી ફૂડ (નાગલીનો રોટલો અને વાંસનું અથાણું) પણ આરોગ્યુ હતું. આમ, અમિતાભ બચ્ચન સાથેના એ સ્મરણો વાગોળી એ સુખદ ક્ષણોને ફરીથી જીવંત કરી હતી.
