Connect Gujarat
મનોરંજન 

કાજોલે ઇન્ડસ્ટ્રીમાં પૂરા કર્યા ત્રણ દશક, કહ્યું- હજુ ગણતરી જારી છે….

કાજોલે તેના ઓફિશિયલ ઈન્સ્ટાગ્રામ એકાઉન્ટ પરથી એક વીડિયો શેર કર્યો છે. આમાં તેમની ત્રીસ વર્ષની સફરની પસંદગીની ફિલ્મો સાચવવામાં આવી છે.

કાજોલે ઇન્ડસ્ટ્રીમાં પૂરા કર્યા ત્રણ દશક, કહ્યું- હજુ ગણતરી જારી છે….
X

બોલિવૂડની તેજસ્વી અભિનેત્રી કાજોલે ફિલ્મ ઈન્ડસ્ટ્રીમાં ત્રીસ વર્ષની સફર પૂર્ણ કરી છે. લગભગ ત્રણ દાયકા સુધી ફેલાયેલી તેની કારકિર્દીમાં કાજોલે એકથી વધુ શાનદાર ફિલ્મો આપી છે. તમને જણાવી દઈએ કે કાજોલે ફિલ્મ 'બેખુદી'થી બોલિવૂડમાં ડેબ્યૂ કર્યું હતું. આ ફિલ્મ 31 જુલાઈ 1992ના રોજ રિલીઝ થઈ હતી. ત્યારપછી કાજોલે ઘણી યાદગાર ફિલ્મો આપી છે. જેમાં 'બાઝીગર', 'દિલ વાલે દુલ્હનિયા લે જાયેંગે', 'ગુપ્ત', 'પ્યાર તો હોના હી થા', 'કુછ કુછ હોતા હૈ', 'કભી ખુશી કભી ગમ', 'ફના', 'તાના જી' જેવી યાદગાર ફિલ્મોનો સમાવેશ થાય છે. બોલિવૂડમાં 30 ગૌરવપૂર્ણ વર્ષ પૂર્ણ કરવાના અવસર પર કાજોલે સોશિયલ મીડિયા પોસ્ટ દ્વારા ચાહકોનો આભાર માન્યો છે.

શેર કરેલ વિડિયો

કાજોલે તેના ઓફિશિયલ ઈન્સ્ટાગ્રામ એકાઉન્ટ પરથી એક વીડિયો શેર કર્યો છે. આમાં તેમની ત્રીસ વર્ષની સફરની પસંદગીની ફિલ્મો સાચવવામાં આવી છે. જણાવી દઈએ કે આ વીડિયોમાં તેની ફિલ્મો- 'બેખુદી', 'દિલ વાલે દુલ્હનિયા લે જાયેંગે', 'ગુપ્ત', 'પ્યાર કિયા તો ડરના ક્યા', 'પ્યાર તો હોના હી થા', 'કુછ કુછ હોતા હૈ', ' કભી ખુશી કભી ગમ, 'ફના', 'માય ને ઈઝ ખાન', 'હેલિકોપ્ટર ઈલા' અને 'ત્રિભંગ'ની ઝલક જોવા મળે છે.

લખી થેન્ક્સ નોટ:

કાજોલે વિડિયો સાથે એક લવલી નોટ પણ લખી છે. તેણે લખ્યું, 'ગઈકાલે કોઈએ પૂછ્યું કે હું કેવું અનુભવું છું? વાસ્તવમાં તેને શબ્દોમાં વર્ણવી શકાય તેમ નથી. એટલું જ કહી શકાય કે મારા પર બિનશરતી પ્રેમ વરસાવનાર તમામ લોકો પ્રત્યે ઊંડી કૃતજ્ઞતાની લાગણી! 30 વર્ષ પૂરા થવા પર શુભેચ્છા, ગણતરી હજુ ચાલુ છે.....!!'

Next Story