![18 વર્ષથી આ બીમારીથી પીડાય છે પ્રિયંકાનો પતિ નિક જોનાસ, પ્રિયંકા કરી રહી છે દેખભાળ......](https://img-cdn.thepublive.com/fit-in/640x430/filters:format(webp)/connect-gujarat/media/post_banners/cb5ebc6fad3ef91f0a481793a5f9980c294c75d0297903b59b205e23c25077d7.webp)
પ્રિયંકા ચોપરાના પતિ નિક જોનાસે હાલમાં જ ખુલાસો કર્યો છે કે તેને ડાયાબિટીસ છે. નિક છેલ્લાં 18 વર્ષથી ટાઇપ 1 ડાયાબિટીસ સામે લડી રહ્યો છે. તેમણે જણાવ્યું કે આવી સ્થિતિમાં તેમની પત્ની પ્રિયંકા તેમની સંભાળ કેવી રીતે રાખે છે. ડાયાબિટીસના કારણે ક્યારેક નિક જોનાસનું બ્લડ શુગર લેવલ પણ ઓછું થઈ જાય છે. પ્રિયંકા એપની મદદથી દરેક સમયે નિકના બ્લડ શુગર લેવલ પર નજર રાખે છે. તેણે વધુમાં જણાવ્યું કે જ્યારે પણ તે ક્યાંક બહાર જાય છે અને પ્રિયંકાથી દૂર હોય છે ત્યારે તે પોતાના બ્લડ શુગરનો ડેટા તેના ભાઈ સાથે શેર કરે છે. જો ક્યારેય તેનું બ્લડ શુગર લેવલ વધી જાય તો તે પ્રિયંકા અને તેના ભાઈ બંનેને એલર્ટ કરે છે. નિકે કહ્યું કે આવુ કરવું યોગ્ય છે કારણ કે સમયનો કોઈ પત્તો નથી. ક્યારે શું થાય છે? આવી સ્થિતિમાં આપણે જેટલી સલામતી અને સાવધાની રાખી શકીએ તેટલું સારું. જો તમે અચાનક સમસ્યાઓથી બચવા માગતા હો તો સાવચેતી રાખવી જરૂરી છે. નિક જોનાસે પ્રિયંકા ચોપરાને એક મહાન જીવનસાથી ગણાવી હતી. તેમણે પ્રિયંકાના વખાણ કરતા કહ્યું કે તે મારી બીમારીનું સંપૂર્ણ ધ્યાન રાખે છે. આટલું જ નહીં, પ્રિયંકા એ પણ જાણે છે કે કઈ પરિસ્થિતિમાં શું પગલું ભરવાનું છે. નિકે પ્રિયંકા ચોપરાને એક મહાન પત્ની તેમજ ખૂબ જ સારી માતા ગણાવી હતી.