કંગના રનૌતની ફિલ્મ 'ઇમરજન્સી'નું ટીઝર આવ્યું બહાર, આ તારીખે સિનેમાઘરોમાં રિલીઝ થશે ફિલ્મ

કંગના રનૌતની મોસ્ટ અવેટેડ ફિલ્મ 'ઇમરજન્સી'ની રિલીઝ ડેટ સામે આવી ગઈ છે. કંગનાએ ફિલ્મનું ટીઝર શેર કર્યું અને એ પણ જણાવ્યું કે તે આ વર્ષે 24 નવેમ્બરે સિનેમાઘરોમાં રિલીઝ થવા જઈ રહી છે. જો કે પહેલા ફિલ્મની રિલીઝ ડેટ ઓક્ટોબર રાખવામાં આવી હતી, પરંતુ હવે તે નવેમ્બરમાં રિલીઝ થશે.

1 મિનિટ 12 સેકન્ડના આ ટીઝરને શેર કરતા કંગનાએ લખ્યું, “રક્ષક કે સરમુખત્યાર? આપણા ઈતિહાસના સૌથી અંધકારમય સમયગાળાના સાક્ષી છે જ્યારે આપણા દેશના નેતાએ તેના લોકો સામે યુદ્ધની ઘોષણા કરી. 24મી નવેમ્બરે વિશ્વભરમાં ઈમરજન્સી જાહેર થઈ રહી છે."

ઈમરજન્સી આ વર્ષની સૌથી વધુ રાહ જોવાઈ રહેલી ફિલ્મોમાંની એક છે. તે હિન્દીમાં રિલીઝ થશે. આ ફિલ્મનું નિર્દેશન કંગના રનૌત દ્વારા કરવામાં આવ્યું છે અને રિતેશ શાહે સ્ક્રિપ્ટ લખી છે.

A protector or a Dictator? Witness the darkest phase of our history when the leader of our nation declared a war on it’s people.

🔗 https://t.co/oAs2nFWaRd#Emergency releasing worldwide on 24th November pic.twitter.com/ByDIfsQDM7

— Kangana Ranaut (@KanganaTeam) June 24, 2023

ટીઝરની શરૂઆત 25 જૂન, 1975ની તારીખથી થાય છે, જે દિવસે દેશમાં ઈમરજન્સી લાગુ કરવામાં આવી હતી. આ પછી અશાંતિનું દ્રશ્ય આવે છે, અખબારની હેડલાઈન છે જેના પર લખવામાં આવ્યું છે કે દેશમાં ઈમરજન્સી લાદવામાં આવી છે. ત્યારબાદ અનુપમ ખેરની એક ઝલક પણ જોવા મળે છે, જેમાં તે જેલના સળિયા પાછળ જોવા મળે છે.

લોકો રસ્તા પર ઉતરી આવ્યા છે, પોલીસ દમનકારી નીતિ અપનાવી રહી છે, ગોળીઓ ચલાવી રહી છે. પછી ઈન્દિરા ગાંધીનો શક્તિશાળી અવાજ આવે છે, ઈન્દિરા ઈઝ ઈન્ડિયા, ઈન્ડિયા ઈઝ ઈન્દિરા. છેલ્લે લખ્યું છે કે આ ફિલ્મ 24 નવેમ્બરે દુનિયાભરના સિનેમાઘરોમાં રિલીઝ થઈ રહી છે.

'ઇમરજન્સી' એક એવી ફિલ્મ છે જે ભારતના પૂર્વ વડાપ્રધાનની સફરને દર્શાવે છે. આ ફિલ્મ બતાવે છે કે તેણે 1975માં બનેલી ઘટનાઓનો કેવી રીતે સામનો કર્યો, જેણે ભારતનો ઈતિહાસ બદલી નાખ્યો. ભૂતપૂર્વ વડા પ્રધાન ઇન્દિરા ગાંધી દેશના ત્રીજા વડા પ્રધાન હતા અને આજ સુધી વડા પ્રધાન બનનાર તેઓ એકમાત્ર મહિલા છે.