નર્મદા : નાંદોદના પૂર્વ ધારસભ્ય હર્ષદ વસાવા સહિતના આગેવાનોને ભાજપ પ્રદેશ અધ્યક્ષે ખેસ પહેરાવી પક્ષમાં આવકાર્યા...

હાલ ભારતીય જનતા પાર્ટીમાં ચાલી રહ્યો છે ભરતી મેળો

નાંદોદના પૂર્વ ધારસભ્ય હર્ષદ વસાવાની પુનઃ વાપસી

પૂર્વ ધારસભ્ય સહિત 2 હજાર લોકો જોડાયા છે ભાજપમાં

ધારસભ્ય સહિત 2 હજાર લોકો અમદાવાદ કમલમ પહોંચ્યા

ભાજપ પ્રદેશ અધ્યક્ષે ખેસ પહેરાવીને પક્ષમાં આવકાર્યા

નર્મદા જિલ્લાના નાંદોદના પૂર્વ ધારસભ્ય હર્ષદ વસાવા સહિત 2 હજાર લોકો ભાજપમાં ઘરવાપસી કરવા કમલમ કાર્યાલય ખાતે પહોંચ્યા હતા, જ્યાં ભાજપ પ્રદેશ અધ્યક્ષ સી.આર.પાટીલે ભાજપનો ખેસ પહેરાવી પક્ષમાં આવકાર્યા હતા.હાલ ભાજપમાં ભરતી મેળો ચાલી રહ્યો છે, અને ગાંધીનગર તેમજ અમદાવાદ કમલમ કાર્યાલય ખાતે પહોચી ભાજપમાં કોંગ્રેસ અને આમ આદમી પાર્ટીના અનેક લોકો જોડાય રહ્યા છે, ત્યારે નર્મદા જિલ્લાના 2 હજારથી વધુ લોકો કમલમ કાર્યાલય ખાતે ભાજપમાં જોડાવા પહોચ્યા હતા.

જેમાં નાંદોદના પૂર્વ ધારસભ્ય અને ભાજપના પૂર્વ સંસદીય સચિવ હર્ષદ વસાવા પણ ભાજપમાં જોડાવા અમદાવાદ ખાતે પહોચતા રાજકારણમાં ગરમાવો આવી ગયો છે. રાજપીપળાથી 6 બસ અને 100થી વધુ નાના વાહનો સાથે કાફલો કમલમ કાટે જવા રવાના થયો હતો, જ્યાં ભાજપ પ્રદેશ અધ્યક્ષ સી.આર.પાટીલે તમામ આગેવાનો અને કાર્યકરોને ભાજપનો ખેસ પહેરાવી પક્ષમાં આવકાર્યા હતા, ત્યારે ભરૂચ અને છોટાઉદેપુર લોકસભામાં આ કાર્યકરો ભાજપ માટે મોટો ફાયદો કરાવશે તેમ લાગી રહ્યું છે.

ભાજપમાંથી છુટા કરાયેલા હોદેદારોનો પુનઃ પ્રવેશ થવા જઈ રહ્યો છે. જેમાં પૂર્વ સંસદીય સચિવ હર્ષદ વસાવા, ગુજકો માર્સલ અને ભરૂચ ડિસ્ટ્રિક્ટ બેંકના ડિરેક્ટર સુનીલ પટેલ, ભાજપ જિલ્લા પૂર્વ અધ્યક્ષ ઘનશ્યામ દેસાઈ સહિતના હોદેદારોનો પુનઃ પ્રવેશ થયો છે. જોકે, આવનારી 2024ની લોકસભાની ચૂંટણીમાં ઉમેદવાર તરીકે પણ હર્ષદ વસાવા દાવેદાર રહશે એ વાત પણ ચોક્કસ છે. પરંતુ ભાજપમાં પુનઃ વાપસીને લઈને તેઓએ કઈ પણ કહેવાનું ટાળ્યું હતું.