બનાસકાંઠા : માઉન્ટ આબુ ફરવા ગયેલા મહેસાણાના યુવકને સેલ્ફીનું વળગણ ભારે પડ્યું, 300 ફૂટ ઊંડી ખીણમાં ખાબક્યો

• મહેસાણાના યુવકની સેલ્ફીની જોખમી ઘેલછા

• માઉન્ટ આબુમાં સેલ્ફી લેવી પડી ભારે

• પ્રવાસી યુવક 300 ફૂટ ઊંડી ખીણમાં ખાબક્યો

• સ્થાનિક રેસ્ક્યુ ટીમે યુવકને કોતરમાંથી કાઢ્યો બહાર  

• જોખમી સેલ્ફીથી દૂર રહેવા માટે તંત્રની અપીલ

મહેસાણાનો યુવક વિષ્ણુ ઠાકોર ફરવા માટે માઉન્ટ આબુ ગયો હતો. આ દરમિયાન સેલ્ફી લેવા જતાં તે અચાનક 300 ફૂટ ઊંડી ખીણમાં ખાબક્યો હતો. આ ઘટનાને પગલે ભયનો માહોલ છવાય ગયો હતો.

રાજસ્થાનના પર્યટન સ્થળ માઉન્ટ આબુમાં અવારનવાર સેલ્ફીના ચક્કરમાં યુવક-યુવતીઓના ખીણમાં ખાબકવાની ઘટનાઓ સામે આવતી હોય છે. મહેસાણાનો યુવક વિષ્ણુ ઠાકોર ફરવા માટે માઉન્ટ આબુ ગયો હતો. આ દરમિયાન સેલ્ફી લેવા જતાં તે અચાનક 300 ફૂટ ઊંડી ખીણમાં ખાબક્યો હતો. આ બનાવને લઈને આસપાસના લોકોમાં ભયનો માહોલ ફેલાયો હતો.

ઘટના બનતા જ તાત્કાલિક સ્થાનિક બચાવ ટીમ અને પોલીસ ઘટના સ્થળે પહોંચી ગઈ હતી. આ તમામે યુવકને ખીણમાંથી બહાર કાઢવા માટે રેસ્ક્યૂ ઓપરેશન હાથ ધર્યું હતું. મહા મહેનતે વિષ્ણુ ઠાકોરને બહાર કઢાયો હતો અને તેને ગંભીર હાલતમાં નજીકની હોસ્પિટલ ખસેડાયો હતો. આ ઘટના બાદ આવા જોખમી સ્થળોએ સુરક્ષાના કડક પગલાં લેવા અને ચેતવણીના બોર્ડ લગાવવા અત્યંત જરૂરી છે.તેમજ પ્રવાસીઓને જોખમી સ્થળે સેલ્ફી ન લેવા માટે તંત્ર દ્વારા અપીલ કરવામાં આવી છે.