સાબરકાંઠા: પૂર્વ ગૃહપ્રધાન અંગે વાંધાજનક પોસ્ટ કરનાર આરોપીની ધરપકડ

દીવ દમણના પ્રશાશક પ્રફુલકુમાર પટેલ અને હિંમતનગર ધારાસભ્ય વી.ડી.ઝાલા વિરુદ્ધ સોશિયલ મીડિયામાં બદનક્ષી કરતી વિવિધ પોસ્ટ વાયરલ કરવા મામલે ફરિયાદ નોંધાયા બાદ હિંમતનગર પોલીસે ઉમંગ પંચાલ નામના યુવકની અટકાયત કરી વધુ તપાસ હાથ ધરી હતી.આરોપી ઉમંગ પંચાલ સાથે રાજકીય નેતાઓ આ ષડયંત્ર રચવામાં સામેલ હોવાનું માનવામાં આવી રહ્યું છે. પ્રફુલ પટેલ અને ધારાસભ્યની લોકપ્રિયતાને હાની પહોંચે એ પ્રકારે બદનામ કરવાના આશયથી કેટલીક પોસ્ટ સોશિયલ મીડિયામાં વાયરલ કરવામાં આવી હતી ત્યારે પોલીસે આ મામલે ફરિયાદ નોંધી વધુ તપાસ હાથ ધરી છે.