• ટ્રમ્પના ટેરિફ સામે દેશભરમાં ઉગ્ર વિરોધ પ્રદર્શન

• રાજકમલ ચોક ખાતે ઉગ્ર વિરોધ પ્રદર્શન યોજાયું

• શહેરીજનોએ અમેરિકન ચીજવસ્તુઓની હોળી કરી

• દિલીપ સંઘાણી સહિતના આગેવાનોની ઉપસ્થિતિ

• અમેરિકન વસ્તુનો બહિષ્કાર કરવા લોકોને આહ્વાન

અમરેલી શહેરના રાજકમલ ચોક ખાતે સહકારી આગેવાન અને ઈફ્કોના ચેરમેન દિલીપ સંઘાણી સહિતના આગેવાનોની ઉપસ્થિતિમાં શહેરીજનોએ એકત્ર થઈ અમેરિકન વસ્તુઓની હોળી કરી ટ્રમ્પના ટેરિફ સામે ઉગ્ર વિરોધ પ્રદર્શિત કર્યો હતો.

અમેરિકન પ્રેસિડેન્ડ ડોનાલ્ડ ટ્રમ્પ દ્વારા ભારત પર આકરા ટેરિફ લગાવવામાં આવ્યા છે. જેમાં 25 ટકા ટેરિફ લાગુ કરાયા બાદ વધુ 25 ટકા ટેરિફ લગાવવાની જાહેરાત કરી છે. જેની સામે હવે ગુજરાત અને ભારતમાંથી વિરોધનો સૂર ઉઠવાનું શરૂ થયું છે. અમરેલીમાં સહકારી આગેવાન અને ઈફ્કોના ચેરમેન દિલીપ સંઘાણી, પૂર્વ સાંસદ નારણ કાછડીયા, ડો. ભરત કાનાબારની આગેવાનીમાં શહેરીજનોએ ટ્ર્મ્પના આકરા ટેરિફનો વિરોધ કરવા અમેરિકન વસ્તુઓની હોળી કરી હતી. અમેરિકાએ ભારત પર આકરો ટેરિફ નાખતા ભારતના અનેક ઉદ્યોગોને ફટકો પડવાની ભીતિ છે, ત્યારે દિલીપ સંઘાણીએ અમેરિકન વસ્તુઓનો બહિષ્કાર કરવા લોકોને આહવાન કર્યું છે.