સાવરકુંડલા નગરપાલિકા કચેરી ખાતે કાર્યક્રમ યોજાયો

શહેરમાં જોગીદાસબાપુ ખુમાણનું સ્ટેચ્યુ સ્થાપિત કરાયું

મહાનુભાવોની ઉપસ્થિતિમાં સ્ટેચ્યુનું અનાવરણ કરાયું

કથાકાર મોરારીબાપુ સહિતના મહાનુભાવોની ઉપસ્થિતિ

મોટી સંખ્યામાં નગરજનો પણ વિશેષ ઉપસ્થિત રહ્યા

અમરેલી જિલ્લાના સાવરકુંડલા નગરપાલિકા કચેરીના પટાંગણમાં સ્થાપિત બહારવટીયા પરંતુ સંત તરીકે ખ્યાતિ પામેલા જોગીદાસબાપુ ખુમાણના સ્ટેચ્યુનું મહાનુભાવોની ઉપસ્થિતિમાં અનાવરણ કરવામાં આવ્યું હતું.

સંત અને શૂરાની ધરતી કહેવાતા સૌરાષ્ટ્રમાં ઇતિહાસના પાને કંડારાયેલા વીર જોગીદાસબાપુ ખુમાણનું નામ સોનેરી અક્ષરોમાં અંકિત છે, તેવા બહારવટીયા પણ સંત તરીકે ખ્યાતિ પામેલા જોગીદાસબાપુ ખુમાણના સ્ટેચ્યુ અનાવરણ પ્રસંગે સંતો મહંતો અને રાજકીય મહાનુભાવોની વિશેષ ઉપસ્થિતિ વચ્ચે યોજાયો હતો.

હકડેઠઠ જનમેદની વચ્ચે પદ્મશ્રી ભીખુદાન ગઢવીના કંઠસ્થ જેમના લોકગીતો અને લોક સાહિત્યથી ઝવેરચંદ મેઘાણીએ લખી છે, તેવા વીર જોગીદાસબાપુ ખુમાણના સ્ટેચ્યુ અનાવરણ પ્રસંગે ચાર ચાંદ લાગ્યા હતા.

સાવરકુંડલા પાલિકા કચેરીના પટાંગણમાં સ્થાપિત પ્રતિમાની અનાવરણ વિધિ સંપન્ન કરવામાં આવી હતી. આ પ્રસંગે કથાકાર મોરારીબાપુ, સતાધાર મહંત વિજયબાપુ, પાળીયાદ મહંત ભયલુંબાપુ સહિતના સંતો સાથે પૂર્વ કેબિનેટ મંત્રી ભૂપેન્દ્રસિંહ ચુડાસમા, પૂર્વ ગૃહમંત્રી ગોરધન ઝડફીયા, ઇફકોના ચેરમેન દિલીપ સંઘાણી, વિધાનસભાના નાયબ દંડક કૌશિક વેકરીયા, સાંસદ ભરત સુતરીયા, ધારાસભ્ય જે.વી.કાકડીયા, હીરા સોલંકી, જનક તળાવીયા સહિતના રાજકીય મહાનુભાવો અને મોટી સંખ્યામાં નગરજનો વિશેષ ઉપસ્થિત રહ્યા હતા.