Connect Gujarat
ગુજરાત

અમરેલી : કોરોના મૃતકોના આત્માની શાંતિ અર્થે AAP દ્વારા પાઠવાઈ શ્રદ્ધાંજલિ

વડલી ગામ ખાતે આમ આદમી પાર્ટી દ્વારા યોજાયો શ્રદ્ધાંજલિ કાર્યક્રમ. તમામ મૃતકોના પરિવારજનોને AAPના નેતાઓએ સાંત્વના પાઠવી.

X

અમરેલી જિલ્લાના રાજુલા તાલુકાના વડલી ગામ ખાતે કોરોનાના કાળમાં મૃત્યુ પામનાર તમામ લોકોના આત્માની શાંતિ અર્થે આમ આદમી પાર્ટી દ્વારા શ્રદ્ધાંજલિ કાર્યક્રમનું આયોજન કરવામાં આવ્યું હતું.

રાજુલા તાલુકાના વડલી ગામ સ્થિત વરૂડી ધામ ખાતે આમ આદમી પાર્ટી દ્વારા રાજુલા વિસ્તારના કોરોના મહામારી વચ્ચે મૃત્યુ પામેલા લોકોને શ્રદ્ધાંજલિ અર્પણ કરવાનો કાર્યક્રમ રાખવામાં હતો. આ કાર્યક્રમમાં આમ આદમી પાર્ટીના દિગ્ગજ નેતાઓ ખાસ ઉપસ્થિત રહી મૃતકોના પરિવારજનોને સાંત્વના પાઠવી હતી. જેમાં આમ આદમી પાર્ટીના અધ્યક્ષ ગોપાલ ઇટાલીયા, પ્રદેશ સંગઠન સહમંત્રી નિમિષા ખૂટ, આમ આદમી પાર્ટીના નેતા ઈશુદાન ગઢવી, મહેશ સવાણી તેમજ પ્રવિણ રામ સહિતના કાર્યકરો શ્રદ્ધાંજલિ કાર્યક્રમમાં ઉપસ્થિત રહ્યા હતા.

તો શ્રદ્ધાંજલિ કાર્યક્રમ દરમ્યાન કેટલાક સ્થાનિક આગેવાનો પણ આમ આદમી પાર્ટીમાં જોડાયા હતા. જેમાં રાજુલા તાલુકા આમ આદમી પાર્ટીના પ્રમુખ પદે ભરત બલદાણીયાને નિયુક્ત કરવામાં આવ્યા હતા. શ્રદ્ધાંજલિ કાર્યક્રમને સફળ બનાવવા રાજુલા તાલુકા આમ આદમી પાર્ટીના કાર્યકરોએ ભારે જહેમત ઉઠાવી હતી.

Next Story
Share it