આણંદ: અમદાવાદ-વડોદરા એક્સપ્રેસ હાઈવે પર ટ્રેલર અને ટ્રક વચ્ચે અકસ્માત, 2 લોકોના મોત

અમદાવાદ વડોદરા એક્સપ્રેસ હાઇવે પર ટ્રક અને ટ્રેલર વચ્ચે સર્જાયેલ માર્ગ અકસ્માતમાં 2 લોકોના મોત નિપજ્યા હતા તો આ તરફ અકસ્માતના પગલે હાઇવે પર ભારે ટ્રાફિકજામની પરિસ્થિતિનું નિર્માણ થયું હતું

અમદાવાદ વડોદરા એક્ષપ્રેસ વે પર આજરોજ ધુમ્મસના કારણે ફરી એકવાર અકસ્માત સર્જાયો હતો.આણંદ જિલ્લાના વહેરાખાડી નજીક ઉભેલા ટ્રેલર પાછળ ટેમ્પો ધડાકાભેર ભટકાતા ગમખ્વાર માર્ગ અકસ્માત સર્જાયો હતો. આ બનાવમાં બે લોકોના કમકમાટી ભર્યા મોત નિપજ્યાં હતા.દુર્ઘટનાના પગલે એક્સપ્રેસ હાઈવે પર ભારે ટ્રાફિકજામની પરિસ્થિતિનું નિર્માણ થયું હતું. પોલીસે તાત્કાલિક ઘટના સ્થળે દોડી આવી તપાસ શરૂ કરી હતી અને મૃતકોના મૃતદેહને પોસ્ટમોર્ટમ અર્થે ખસેડયા હતા તો બીજી તરફ પોલીસે વાહના વ્યવહાર પણ પૂર્વવ્રત કરાવ્યો હતો