અરવલ્લી: મોડાસા નજીક પેપરમીલમાં ભીષણ આગ, ફાયર વિભાગે આગ પર કાબુ મેળવ્યો

અરવલ્લી જિલ્લાના  મોડાસાના કબોલા પાસેની ગુરુકૃપા પેપર મિલમાં ભીષણ આગ ફાટી નિકળતા દોડધામ મચી જવા પામી હતી. ફાયર ફાયટરોએ ઘટના સ્થળે પહોંચી આગ પર કાબુ મેળવ્યો હતો

અરવલ્લી જિલ્લા મોડાસાના કબોલા પાસે આવેલી જાણીતી ખાનગી પેપર મિલમાં ભીષણ આગ લાગી હતી. બનાવને પગલે મોડાસા અને હિંમતનગરથી ફાયર બ્રિગેડની ટીમ આગ ઓલવવા બોલાવવી પડે તેવી નોબત આવી હતી.મોડાસા શહેરના કબોલા પાસે ગુરુકૃપા પેપર મિલમાં અચાનક આગ ફાટી નીકળી હતી. જેથી ધૂમાડાના ગોટેગોટા દૂરથી જોવા મળી રહ્યા હતા. પેપર મિલમાં આગની જાણ થતા તાત્કાલિક મોડાસા ફાયરની ચાર અને હિંમતનગર ફાયર વિભાગ બે વોટર બ્રાઉઝર સાથે ટીમ ઘટના સ્થળે પહોંચીને પાણીનો મારો ચલાવી આગ પર કાબૂ મેળવવાના પ્રયાસ હાથ ધરાયો હતો.જોકે પેપર મિલના ગોડાઉનમાં આગ લાગતા અફરાતફરીનો માહોલ સર્જાયો હતો.