Connect Gujarat
ગુજરાત

ભરૂચ: ભોલાવ જીઆઇડીસીમાં ટ્રાન્સપોર્ટનાં ગોડાઉનમાં આગ લાગતા દોડધામ

ભોલાવ જીઆઇડીસીમાં ટ્રાન્સપોર્ટનાં ગોડાઉનમાં આગ, પુંઠા સહિતનો સમાન બળીને ખાક.

X

આજરોજ સવારે ભરૂચના ભોલાવ જીઆઈડીસી વિસ્તારમાં આવેલ ટ્રાન્સપોર્ટના ગોડાઉનમાં આગ લગતા ભારે દોડધામ મચી જવા પામી હતી. ભરૂચ નગરપાલિકા તેમજ જી.એન.એફ.સી ફાયર વિભાગ દોડતું થયું હતું.

ભરુચ જિલ્લાના ભોલાવ જીઆઈડીસી વિસ્તારમાં આજરોજ હોનારત સર્જાઈ હતી જેમાં એસોશિએટ રાજકોટના ટ્રાન્સપોર્ટના ગોડાઉનમાં શોર્ટ સર્કિટના કારણે આગ લાગવાનું પ્રાથમિક અનુમાન લાગવામાં આવ્યું હતું જેમાં દોડધામ મચી જવા પામી હતી અને આગે વિકરાળ સ્વરૂપ ધારણ કરતાં ભરૂચ નગરપાલિકા ફાયર વિભાગ અને જી.એન.એફ.સી ફાયર વિભાગને જાણ કરવામાં આવી હતી.

આગ ધીમે ધીમે વધતાંની સાથે ગોડાઉનમાં પડેલા પૂંઠાઓ સહિતની સામગ્રી બળીને ખાખ થઈ જતાં ઘણું નુકશાન થવા પામ્યું હતું, ભરૂચ નગરપાલિકા અને જી.એન.એફ.સી ફાયર વિભાગે ઘટના સ્થળે પાણીનો મારો ચલાવતા ગણતરીના સમયમાં આગ પર કાબૂ મેળવાયો હતો અને ઘટનાને પગલે કોઈને જાનહાનિ ન થતાં આસપાસના લોકોએ હાશકારો અનુભવ્યો હતો.

Next Story
Share it