ભરૂચ: પ્રભારી મંત્રી કુંવરજી હળપતીના અધ્યક્ષસ્થાને જિલ્લા આયોજન મંડળની બેઠક યોજાઈ, વિકાસના 500થી વધુ કામોને મંજૂરી અપાય

ભરૂચ જિલ્લા આયોજન ભવન ખાતે રાજ્યના આદિજાતી વિકાસ,શ્રમ અને રોજગાર, ગ્રામ વિકાસ વિભાગના મંત્રી અને ભરૂચ જિલ્લાના પ્રભારી મંત્રી કુંવરજી હળપતીના અધ્યક્ષસ્થાને જિલ્લા આયોજન મંડળ અને ટ્રાયબલ સબ પ્લાન કચેરી હેઠળ આદિજાતિ વિકાસ મંડળની બેઠક મળી હતી.વિકેન્દ્રીત જિલ્લા આયોજન હેઠળની વિવેકાધીન જોગવાઈ હેઠળ અંદાજિત રૂા.૧૦૬૮.૦૪ લાખથી વધુના કુલ ૫૧૦ વિકાસ કામોના આયોજનને સર્વાનુમતે મંજૂરી આપવામાં આવી હતી.

 

ગુજરાત પેટર્ન યોજના વર્ષ : ૨૦૨૫ - ૨૦૨૬ના આયોજનની બેઠકમાં ગુજરાત પેટર્ન ૯૬% (પ્રાયોજના વિસ્તાર)ની જોગવાઈ રૂા. ૩૬૫૧.૩૯ લાખની સામે ૮૬૨ કામોનું રૂા.૩૭૪૯.૧૯ લાખનું આયોજન મંજુર કરવામાં આવ્યુ. તથા ગુજરાત પેટર્ન ૪% (છુટાછવાયા વિસ્તાર)ની જોગવાઈ રૂા.૯૧૧.૪૪ લાખની જોગવાઈ સામે ૩૭૮ લાખની રૂા.૯૫૦.૭૫ લાખનું આયોજન સર્વાનુમે મંજુર કરવામાં આવ્યુ હતું.

આ બેઠકમાં સાંસદ મનસુખ વસાવા, જિલ્લા પંચાયતના પ્રમુખ  મહેન્દ્રસિંહ વાંસદીયા, ધારાસભ્યસ ડી.કે. સ્વામી, રિતેશ વસાવા, કલેક્ટર ગૌરાંગ મકવાણા, જિલ્લા વિકાસ અધિકારી યોગેશ કાપસે સહિતના અધિકારીઓ ઉપસ્થિત રહ્યા હતા.