અંકલેશ્વર: ન.પા.ની બેદરકારીના કારણે હાંસોટ રોડ પર અકસ્માતમાં યુવાનનું મોત નિપજ્યું, પરિવારજનોના આક્ષેપ

જીસીબી મશીન માર્ગ પર ઉભું કરી દેવામાં આવ્યું હતું જેમાં ત્યાંથી પસાર થઈ રહેલ નિકુંજ પટેલ નામના યુવાનની બાઇક ભટકાતા યુવાનનું ઘટના સ્થળે કમકમાટી ભર્યું મોત નિપજ્યું હતું

author-image
By Connect Gujarat Desk in ભરૂચ સમાચાર
New Update

  • અંકલેશ્વર હાંસોટ રોડ પર બન્યો હતો બનાવ

  • અકસ્માતમાં યુવાનનું નિપજ્યું હતું મોત

  • જેસીબી સાથે બાઈક ભટકાય હતી

  • નગરપાલિકાની બેદરકારીના સ્થાનિકોના આક્ષેપ

  • પરિવારને ન્યાય આપવાની માંગ 

અંકલેશ્વર હાંસોટ રોડ પર મુખ્ય માર્ગને અડીને ઊભા રહેલા જેસીબી મશીન  સાથે બાઈક ભટકાતા યુવાનનું મોત નીપજવાના મામલામાં આજરોજ સ્થાનિકો અને પરિવારજનોએ ચીફ ઓફિસરને આવેદનપત્ર પાઠવી નગર સેવાસદનની બેદરકારીના આક્ષેપ કર્યા હતા.
અંકલેશ્વર હાંસોટ રોડ પર આવેલ હનુમાન મંદિર પાસે નગરપાલિકા દ્વારા ગટર લાઇનનું કામકાજ ચાલી રહ્યું હતું. આ દરમિયાન રાત્રિના સમયે જીસીબી મશીન માર્ગ પર ઉભું કરી દેવામાં આવ્યું હતું જેમાં ત્યાંથી પસાર થઈ રહેલ નિકુંજ પટેલ નામના યુવાનની બાઇક ભટકાતા યુવાનનું ઘટના સ્થળે કમકમાટી ભર્યું મોત નિપજ્યું હતું.આ મામલામાં સ્થાનિકો અને પરિવારજનો દ્વારા આજરોજ ચીફ ઓફિસરને આવેદન પત્ર પાઠવવામાં આવ્યું હતું.
જેમાં જણાવ્યા અનુસાર નગરપાલિકાની બેદરકારીના કારણે યુવાનનું મોત થયું છે. નગરપાલિકા દ્વારા ગટર લાઈનનું કામકાજ કરતી વખતે સાવચેતી અંગેનું બોર્ડ મૂકવામાં આવ્યું ન હતું.આ ઉપરાંત બેરીકેટ કે અન્ય કોઈપણ નિશાન કરવામાં આવ્યું ન હતું જેના કારણે આ અકસ્માત સર્જાયો છે ત્યારે પીડિત પરિવારને ન્યાય આપવાની માંગ કરવામાં આવી છે.
અને ભવિષ્યમાં આવા બનાવો ન બને તેની તકેદારી રાખવામાં આવે તેવી રજૂઆત કરવામાં આવી છે. જો માંગ ન સંતોષાય તો નગરપાલિકા કચેરીનો ઘેરાવો કરવાની ચીમકી ઉચ્ચારવામાં આવી છે.
#માર્ગ અકસ્માત #અકસ્માત #Bharuch Road Accident #Ankleshwar Accident #Ankleshwar nagarpalika #Hansot Accident
Related Articles
Read the Next Article

ભરૂચ: હાંસોટ પોલીસ મથકના પોલીસકર્મીઓની દારૂની મહેફિલનો વિડીયો વાયરલ, SPએ આપ્યા તપાસના આદેશ

હાંસોટ પોલીસ મથકમાં ફરજ બજાવતા કેટલાક પોલીસકર્મીઓ દારૂની મહેફીલ માણી રહ્યા હતા આ દરમિયાન તેઓનો કોઈએ વિડિયો ઉતારી સોશિયલ મીડિયામાં વાયરલ કર્યો

author-image
By Connect Gujarat Desk in ભરૂચ ગુજરાત
New Update
Bharuch Police Viral Video

ભરૂચના હાંસોટ પોલીસ મથકના પોલીસ કર્મીઓનો દારૂની મહેફિલનો વિડીયો સોશિયલ મીડિયામાં વાયરલ થતા ખળભળાટ મચી જવા પામ્યો છે. હાંસોટ પોલીસ મથકમાં ફરજ બજાવતા કેટલાક પોલીસકર્મીઓ દારૂની મહેફીલ માણી રહ્યા હતા આ દરમિયાન તેઓનો કોઈએ વિડિયો ઉતાર્યો હતો આ વિડીયો હાલ સોશિયલ મીડિયામાં વાયરલ થઈ ગયો છે જેમાં પોલીસકર્મીઓ ડાન્સ કરતા પણ નજરે પડી રહ્યા છે. વિડીયો વાયરલ થતાં ભરૂચ જિલ્લા પોલીસવડા મયુર ચાવડાએ તપાસના આદેશ આપ્યા છે.વાયરલ વીડિયોમાં હાંસોટ પોલીસ મથકના રાઇટર  હિતેશ પરમાર અને અન્ય પોલીસકર્મીઓ હોવાનું બહાર આવ્યું છે.

અત્રે ઉલ્લેખનીય છે કે ગતરોજ ભરૂચ હેડક્વાર્ટરમાં આવેલ વર્કશોપમાં બે પોલીસકર્મીઓ દારૂની મહેફીલ માણી રહ્યા હતા જેઓને ક્રાઈમ બ્રાન્ચે ઝડપી પાડ્યા હતા અને તેઓ વિરુદ્ધ પ્રોહીબિશન અંગેનો ગુનો દાખલ કરાવ્યો હતો ત્યારે ભરૂચમાં બે દિવસમાં પોલીસકર્મીઓની દારૂની મહેફિલના બે મામલા પ્રકાશમાં આવતા ખળભળાટ મચી જવા પામ્યો છે.
#Gujarat Police #Hansot Police Station #Hansot Police #Policemen Drinking Party #viral video #Bharuch Police