ભરૂચના હાંસોટથી કંટીયાળજાળ જતા રોડ પર બાઈક ચાલકને અકસ્માત નડતા બાઈક સવાર યુવાનનું ગંભીર ઇજાના પગલે ઘટનાસ્થળે જ કમકમાટી ભર્યું મોત નિપજ્યું હતું.

ભરૂચના હાંસોટમાં અકસ્માતનો વધુ એક બનાવ સામે આવ્યો છે. હાંસોટના અંભેટા ગામ ખાતે રહેતા 37 વર્ષીય બાઈક ચાલક મનીષ વસાવા હાંસોટ- કંટીયાળજાળ  રોડ પરથી પસાર થઈ રહ્યા હતા ત્યારે તેમના ગામ નજીક જ માર્ગ પર અચાનક બકરી આવી ગઈ હતી જેને બચાવવા જતા તેઓની બાઈક સ્લીપ મારી ગઈ હતી અને નજીકમાં આવેલ વૃક્ષ સાથે ધડાકાભેર ભટકાઈ હતી. આ અકસ્માતમાં બાઈક સવાર 37 વર્ષીય મનીષ વસાવાનું ઘટનાસ્થળે જ કમકમાટી ભર્યું મોત નિપજ્યું હતું.બનાવની જાણ થતાની સાથે જ ગ્રામજનો અને પરિવારજનો દોડી આવ્યા હતા જ્યાં પરિવારજનોના કલ્પાંત કરતા દ્રશ્યો જોવા મળ્યા હતા.આ તરફ હાંસોટ પોલીસનો કાફલો પણ દોડી આવ્યો હતો અને બનાવ સંદર્ભે અકસ્માત અંગેનો ગુનો નોંધી વધુ તપાસ હાથ ધરી છે