ભરૂચ જિલ્લાના અંકલેશ્વર શહેરના સંજયનગર વિસ્તારમાં માથા સમાન વરસાદી પાણીમાં ફસાયેલ વૃદ્ધ મહિલાનું પાલિકાના ફાયર બ્રિગેડના જવાને પોતાના ખભા પર ઉંચકીને રેસક્યું કરતા સૌએ તેઓની કામગીરીને બિરદાવી હતી.
ફાયર બ્રિગેડના બચાવ કાર્યને સ્થાનિકોએ બિરદાવ્યું
ભરૂચ જિલ્લાના અંકલેશ્વર પંથકમાં વરસેલા મુસળધાર વરસાદને પગલે શહેરના સંજયનગર વિસ્તારમાં વરસાદી પાણી ભરાયા હતા, અને નીચાણવાળા ઘરોમાં વરસાદી પાણીએ જમાવટ કરી હતી. સ્થાનિક રહીશોને હાલાકી પડતા નગરપાલિકાના ફાયર બ્રિગેડની ટીમ દ્વારા બચાવ કામગીરી કરવામાં આવી હતી. ફાયર બ્રિગેડના જવાને એક વૃદ્ધ મહિલાને પોતાના ખભા પર બેસાડીને રેસક્યું કરી સુરક્ષિત સ્થળ પર ખસેડ્યા હતા. ફાયર બ્રિગેડની આ રેસ્ક્યુ કામગીરીને લોકોએ બિરદાવી ખૂબ પ્રશંસા કરી હતી.