અંકલેશ્વર: B ડિવિઝન પોલીસે ટ્રકમાં ક્રૂરતા પૂર્વક બાંધી લઇ જવાતા 45 બકરા મુક્ત કરાવ્યા

અંકલેશ્વર શહેર બી ડિવિઝન પોલીસે નેશનલ હાઇવે નંબર 48 પર મુલદ ટોલ પ્લાઝા પાસે ટ્રકમાં ક્રૂરતાપૂર્વક બાંધી લઈ જવાતા 45 બકરા મુક્ત કરાવ્યા હતા તેમજ ટ્રકચાલક સામે કાયદેસરની કાર્યવાહી હાથ ધરી હતી સુરતના જાગૃત નાગરિકને ચોક્કસ માહિતી મળી હતી કે સુરત ના શેખ નાઝીમુદ્દીન શાહબુદ્દીન પાલનપૂરના વિવિધ ગામોમાંથી મોટા પાયે બકરાની ખરીદી કરી તેને ક્રૂરતા પૂર્વક બાંધી હેરાફેરી કરી રહ્યો છે. જે માહિતી આધારે ભરૂચ અંકલેશ્વરને જોડતા નેશનલ હાઇવે નંબર 48 પર માંડવા ટોલ પ્લાઝા પાસે સુરત તરફ જતા માર્ગ પર અન્ય મિત્ર જોડે આવી આ અંગે બી ડિવિઝન પોલીસ મથકે જાણ કરી હતી

 જ્યાં ચોક્કસ માહિતી આધારે ટ્રક આવતા પોલીસે તેને રોકી તલાસી લેતા અંદર ક્રૂરતા પૂર્વક, કોઈ પાણી કે ઘાસચારાની વ્યવસ્થા વગર બાંધેલા બકરા નજરે પડ્યા હતા જે અંગે જરૂરી આર.ટી.ઓના નિયમ અનુસાર પશુ પરિવહનનું પરમીટ ચાલક પાસે માંગતા તે ગલ્લા-તલ્લા કરવા લાગ્યો હતો તેમજ કોઈ આધાર પુરાવાના રજૂ કરતા પોલીસે 45 બકરા મુક્ત કરાવ્યા હતા તેમજ ટ્રક ચાલક ઇલ્યાસખાન દિલાવર ખાન જાડેજા તેમજ સુરતથી મંગાવનાર અને પાલેજ ખાતેથી ભરી આપનાર સુરતના શેખ નાઝીમુદ્દીન શાહબુદ્દીનની ધરપકડ કરી વધુ તપાસ શરુ કરી હતી.