/connect-gujarat/media/member_avatars/2025/04/19/2025-04-19t062118449z-aaaa.jpg )
By
New Update
-
અંકલેશ્વરના પીરામણ ગામનો બનાવ
-
પ્રાથમિક શાળા નજીક વીજ ટ્રાન્સફોર્મરમાં આગ
-
શોર્ટ સર્કિટના કારણે લાગી આગ
-
ફાયર વિભાગે આગ પર મેળવ્યો કાબુ
-
વીજ ટ્રાન્સફોર્મર અન્ય જગ્યાએ ખસેડવા માંગ
અંકલેશ્વરના પીરામણ ગામમાં પ્રાથમિક શાળા નજીક આવેલ વીજ ટ્રાન્સફોર્મરમાં આગ ફાટી નીકળતા દોડધામ મચી જવા પામી હતી. ફાયર ફાયટરો આગ પર કાબુ મેળવ્યો હતો
સૂર્યનારાયણ આકાશમાંથી જાણે અગનગોળા વરસાવી રહ્યા છે તો બીજી તરફ અંકલેશ્વરમા આગના બનાવોમાં વધારો થયો છે આજરોજ અંકલેશ્વરના પીરામણ ગામ નજીક આવેલ દક્ષિણ ગુજરાત વીજ કંપનીના વીજ ટ્રાન્સફોર્મરમાં અચાનક આગ ભભૂકી ઉઠી હતી. શોર્ટ સર્કિટ થયા બાદ ભડાકા સાથે આગ ફાટી નીકળી હતી જેના પગલે દોડધામ મચી જવા પામી હતી.
આ અંગેની જાણ કરવામાં આવતા જ અંકલેશ્વર નગર સેવા સદન તેમજ ડીપીએમસીના ફાયર ફાઈટર ઘટના સ્થળે દોડી આવ્યા હતા. તો બીજી તરફ વીજ કંપનીના અધિકારીઓ પણ પહોંચ્યા હતા અને વીજ પુરવઠો બંધ કરી આગ પર કાબુ મેળવાયો હતો.વીજ ટ્રાન્સફોર્મરમાં લાગેલી આગના પગલે વીજ પુરવઠો ખોરવાતા કાળઝાળ ગરમીમાં લોકોએ શેકાવાનો વારો આવ્યો હતો.
આ તરફ ટ્રાન્સફોર્મર પ્રાથમિક શાળા નજીક જ આવેલું હોવાથી મોટી દુર્ઘટનાની દહેશત વ્યક્ત કરાઈ રહી છે. હાલમાં વેકેશન હોવાથી કોઈ જાનહાની થઈ ન હતી પરંતુ આ વીજ ટ્રાન્સફોર્મર અન્ય સ્થળે ખસેડવાની માંગ કરવામાં આવી છે.
Latest Stories