અંકલેશ્વર: ભરણ ગામે ઘરની બહાર સુતેલા પરિવારના મકાનમાંથી સોના-ચાંદીના ઘરેણા મળી રૂ.17 લાખના માલમત્તાની ચોરી !

તસ્કરો એ પ્રમાણે સમાન વેર વિખેર કર્યા વગર ચોરી કરી હતી કે પરિવાર ને સવારે ઉઠ્યા બાદ પણ ચોરીની ખબર ના પડી હતી. સવારે 8 વાગ્યા બાદ વિવિધ રૂમમાં સફાઈ કરતી વેળા દાગીના બોક્સ કબાટ નીચેથી મળતા ચોરી થઈ હોવાનું માલુમ પડયું હતું. એ પહેલા પરિવારના સભ્યો એ 2 થી 3 વાર તિજોરી ખોલી હોવા છતાં ચોરી થઈ હોવાનો અહેસાસ થયો ન હતો.સવારે સફાઈ દરમ્યાન કબાટ નીચેથી ઘરેણાના ખાલી બોક્સ મળ્યા હતા જે બાદ ચોરી અંગેની જાણ થતા તેઓએ પોલીસને જાણ કરી હતી. બનાવની સાથે જ પાનોલી પોલીસનો કાફલો ઘટના સ્થળે દોડી આવ્યો હતો અને વધુ તપાસ હાથ ધરી છે.