અંકલેશ્વર: સુરતના જમીન દલાલ હનીટ્રેપનો બન્યા શિકાર, હોટલમાં મળવા બોલાવી મહિલા અને 2 સાગરીતોએ રૂપિયા પડાવ્યા

માર મારી જમીન દલાલનું અપહરણ કરવામાં આવ્યું હતું અને લાખો રૂપિયા પડાવવાનો પ્લાન ઘડવામાં આવ્યો હતો જોકે પોલીસે આ મામલામાં મહિલા સહિત 2 આરોપીની ધરપકડ કરી

author-image
By Connect Gujarat Desk in ભરૂચ સમાચાર
New Update

  • અંકલેશ્વરમાં હનીટ્રેપનો ચકચારી બનાવ

  • સુરતના જમીન દલાલને હનીટ્રેપમાં ફસવાયા

  • હોટલમાં મળવા બોલાવી રૂપિયા પડાવાયા

  • જમીનની ફાઇલ આપવાના બહાને હોટલમાં બોલાવાયા

  • મહિલા સહિત 2 આરોપીની ધરપકડ

Advertisment
અંકલેશ્વરમાં હની ટ્રેપનો ચકચારી કિસ્સો સામે આવ્યો છે જેમાં જમીન દલાલને હોટલમાં મળવાના બહાને બોલાવી એક મહિલા તેમજ બે આરોપીઓએ માર મારી જમીન દલાલનું અપહરણ કરવામાં આવ્યું હતું અને લાખો રૂપિયા પડાવવાનો પ્લાન ઘડવામાં આવ્યો હતો જોકે પોલીસે આ મામલામાં મહિલા સહિત 2 આરોપીની ધરપકડ કરી છે.
રાજ્યમાં હનીટ્રેપના કિસ્સાઓમાં સતત વધારો થઈ રહ્યો છે ત્યારે અંકલેશ્વરમાં સુરતના જમીન દલાલ હનીટ્રેપનો શિકાર બન્યા હતા.ચકચારી બનાવની વિગતો પર નજર કરીએ તો સુરતના સરથાણા જકાતનાકા વિસ્તારમાં આવેલા આદિત્ય એપાર્ટમેન્ટમાં રહેતા પરસોતમ સુતરીયા જમીન દલાલના વ્યવસાય સાથે સંકળાયેલા છે તેઓનો બેથી ત્રણ માસ પૂર્વે ગાંધીનગરના રાંદેસર વિસ્તારમાં રહેતી પાયલ પટેલ નામની મહિલા સાથે સંપર્ક થયો હતો જે પણ જમીન દલાલીનું કામ કરતી હતી.
સૌરાષ્ટ્ર તરફની એક જમીનની ફાઈલની આપ લેના બહાને પાયલ પટેલે તારીખ 6 માર્ચના રોજ મધ્યરાત્રીના સમયે  પરસોતમ સુતરિયાને અંકલેશ્વરના રેલ્વે સ્ટેશન નજીક આવેલ હોટલ મયુરામાં મળવા બોલાવ્યા હતા જેવા પુરુષોત્તમ સુતરીયા હોટલમાં પહોંચ્યા ત્યારે પ્લાન મુજબ અન્ય આરોપી પાર્થ ઠાકર અને કમલેશ મહેતા પણ ત્યાં પહોંચ્યા હતા અને પરસોતમ સુતરીયાને હની ટ્રેપમાં ફસાવી દેવાની ધમકી આપી રૂપિયાની માંગ કરી હતી જો કે જમીન દલાલે રૂપિયા આપવાની ના કહેતા તેઓને માથાના ભાગે બોથડ પદાર્થ મારી દીધો હતો અને ત્યાંથી તેમનું કારમાં અપહરણ કરી ભરૂચના નબીપુર નજીક નેશનલ હાઇવે પર લઈ જવામાં આવ્યા હતા.
Advertisment
આરોપીઓએ પરસોતમ સુતરીયા પાસે ચપ્પુની અણીએ રૂપિયા 13,500 ગુગલ પે કરાવડાવ્યા હતા આ ઉપરાંત રોકડ રકમ અને વિવિધ બેંકના ત્રણ ચેકમાં રૂપિયા 7.50 લાખ લખાવી લેવામાં આવ્યા હતા.આ ઘટના બાદ આરોપીઓ ત્યાંથી ફરાર થઈ ગયા હતા આ અંગે જમીન દલાલ પરસોતમ સુતરીયાએ અંકલેશ્વર શહેર બી ડિવિઝન પોલીસ મથકમાં ફરિયાદ નોંધાવતા પોલીસે વિવિધ ટીમ બનાવી આરોપીઓને ઝડપી પાડવા ચક્રોગતિમાન કર્યા હતા
જેમાં પોલીસે હોટલ તેમજ અન્ય વિસ્તારના સીસીટીવી અને હ્યુમન ઇન્ટેલીજન્સના આધારે આરોપી પાયલ પટેલ તેમજ પાર્થ ઠાકરને ઝડપી પાડવામાં સફળતા મળી છે જ્યારે કમલેશ મહેતા નામના આરોપીને વોન્ટેડ જાહેર કરવામાં આવ્યો છે.
#land broker #honeytrap #Honeytrap Case #હનીટ્રેપ #Ankleshwar News #Ankleshwar police
Advertisment
Related Articles
Read the Next Article

અંકલેશ્વર: GIDCમાં આવેલ કમલમ ગાર્ડન ખાતે કોમન યોગ પ્રોટોકોલ પ્રશિક્ષણ શિબિર યોજાય

અંકલેશ્વર જીઆઇડીસીમાં આવેલ કમલમ ગાર્ડન ખાતે વિશ્વ યોગ દિવસની ઉજવણીના ભાગરૂપે કોમન યોગ પ્રોટોકોલ પ્રશિક્ષણ શિબિરનું આયોજન કરવામાં આવ્યું હતું

author-image
By Connect Gujarat Desk in ભરૂચ સમાચાર
New Update

  • અંકલેશ્વરમાં કરવામાં આવ્યું આયોજન

  • કમલમ ગાર્ડન ખાતે શિબિર યોજાય

  • કોમન યોગ પ્રોટોકોલ પ્રશિક્ષણ શિબિર યોજાય

  • વિશ્વ યોગ દિવસની ઉજવણીના ભાગરૂપે આયોજન

  • મોટી સંખ્યામાં યોગવીરો જોડાયા

Advertisment
અંકલેશ્વર જીઆઇડીસીમાં આવેલ કમલમ ગાર્ડન ખાતે વિશ્વ યોગ દિવસની ઉજવણીના ભાગરૂપે કોમન યોગ પ્રોટોકોલ પ્રશિક્ષણ શિબિરનું આયોજન કરવામાં આવ્યું હતું
તારીખ 21મી જૂનના રોજ વિશ્વ યોગ દિવસની ઉજવણી કરવામાં આવે છે જેના ભાગરૂપે અંકલેશ્વર જીઆઇડીસીમાં આવેલ કમલમ ગાર્ડન ખાતે ગુજરાત રાજ્ય યોગ બોર્ડ દ્વારા કોમન યોગ પ્રોટોકોલ પ્રશિક્ષણ શિબિરનું આયોજન કરવામાં આવ્યું હતું જેમાં યોગ ટ્રેનરો દ્વારા યોગ વીરો અને વિવિધ યોગાસન કરાવવામાં આવ્યા હતા. સ્વસ્થ ગુજરાત મેદસ્વીતા   મુક્ત ગુજરાત અભિયાન અંતર્ગત આ કાર્યક્રમનું આયોજન કરવામાં આવ્યું હતું જેમાં મોટી સંખ્યામાં શહેરીજનો જોડાયા હતા.સદર કાર્યક્રમમાં ગુજરાત રાજ્ય યોગ બોર્ડના સભ્યો તેમજ આમંત્રિતો ઉપસ્થિત રહયા હતા.
#CGNews #Yoga #yog #GIDC-Kamalam Garden #GIDC #Ankleshwar
Advertisment