ભરૂચ: સરકારી ઇજનેરી કોલેજ ખાતે 2 દિવસીય ટેક્નિકલ ફેસ્ટિવલ TECHTONICનો પ્રારંભ

ભરૂચની સરકારી ઈજનેરી કોલેજ ખાતે બે દિવસીય ટેકનિકલ ફેસ્ટિવલ TECHTONIC ૨૦૨૫નો પ્રારંભ કરવામાં આવ્યો છે જેમાં 1700 વિદ્યાર્થીઓએ ભાગ લીધો હતો.

અંકલેશ્વર ઓ.એન.જી.સી,દહેજ ઇન્ડસ્ટ્રીયલ એસોસીએશન,ડી-વિવિડ કન્સલ્ટન્ટ, કરિયર ક્રાફ્ટ કન્સલ્ટન્ટ, પ્રિન્સ ઇલેક્ટ્રિકલ,એક્યુમેન સહિતના વિવિધ ઉદ્યોગો,સંસ્થાઓના સહયોગથી વિદ્યાર્થીઓના ટેક્નિકલ કૌશલ્ય, ઇનોવેશન અને ક્રિએટિવિટીને પ્રોત્સાહન પૂરું પાડવા માટે આજથી બે દિવસી ટેકનિકલ ફેસ્ટિવલ TECHTONIC ૨૦૨૫નો ભરૂચની સરકારી ઈજનેરી કોલેજ ખાતે આયોજન કરવામાં આવ્યું હતું જે ટેકનિકલ ફેસ્ટિવલ TECHTONIC ૨૦૨૫નો એચ.ઓ.ડી.,ઈ.સી.ના કન્વીનર પ્રોફેસર કે.જી. ભુવા અને આચાર્ય ડો. પ્રદીપ લોઢા અને ટેકનિકલ ફેસ્ટિવલ કોઓર્ડિનેટર પ્રશાંત કે. શાહના હસ્તે પ્રારંભ કરવામાં આવ્યો હતો.જેમાં વિવિધ ૪૦ કોલેજોના ૧૭૦૦ વિદ્યાર્થીઓએ વિવિધ ટેકનિકલ ઇવેન્ટ્સમાં ભાગ લીધો હતો.વિકસિત ભારતની થીમ અને સંકલ્પ સાથે વિવિધ ઇવેન્ટ્સનું આયોજન કરવામાં આવ્યું હતું.