• સાયખા ઔદ્યોગિક વસાહતમાં સર્જાયો અકસ્માત

• અલ્કેમી ફાઈન કેમમાં સર્જાઈ દુર્ઘટના

• ડ્રેનેજની કામગીરી દરમિયાન સર્જાયો અકસ્માત

• પ્રિકાસ્ટ ડ્રેઇન પડતા કામદાર મોતને ભેટ્યો

• પોલીસે અકસ્માત મોત અંગે શરૂ કરી તપાસ 

ભરૂચ જિલ્લાની સાયખા ઔધોગિક વસાહતની અલ્કેમી ફાઈન કેમ કંપનીમાં ગટર લાઈનની કામગીરી દરમિયાન પ્રિકાસ્ટ ડ્રેઈન નીચે પડતા એક કામદારનું કરૂણ મોત નીપજ્યું હતું.

ભરૂચ જિલ્લાના વાગરા પાસેની સાયખા જીઆઇડીસીમાં અલ્કેમી ફાઈન કેમ કંપનીમાં અકસ્માત સર્જાયો હતો. સુરક્ષાના અભાવ વચ્ચે કામ કરતા એક કામદારનું મોત નીપજ્યું હતું.મળતી માહિતી મુજબ 35 વર્ષીય સબુ નારસિંગભાઈ મખોડિયા રહે, અલ્કેમી ફાઈન કેમ કંપનીની કોલોની, જુનેદ,વાગરા,મૂળ રહેવાસી મુવાલીયા,દાહોદનાઓ ગટર લાઇનમાં નાખવામાં આવતી સિમેન્ટની પ્રિકાસ્ટ ડ્રેઈનને બેલ્ટ બાંધી ક્રેન દ્વારા ઉપરથી નીચે ગટરમાં ઉતારતા હતા.તે દરમિયાન અચાનક હુકમાંથી બેલ્ટ સરકી જવાથી ડ્રેઈન કામદાર સબૂ પર પડી હતી.જેથી તેમના ચહેરા પર ઈજા થઈ હતી.તેઓને ભરૂચ સારવાર માટે લાવવામાં આવ્યા હતા,જોકે હોસ્પિટલ પહોંચતા પહેલા જ તેનું મોત નીપજ્યું હતું.બનાવ સંદર્ભે પોલીસ દ્વારા અકસ્માત મોત અંગેની ફરિયાદ દર્જ કરીને વધુ તપાસ શરૂ કરી છે.