ભરૂચ: ભારત આદિવાસી સંવિધાન સેના રાજભા ગઢવીની ધરપકડની માંગ, આદિવાસીઓ અંગે આપ્યું હતું વિવાદિત નિવેદન

ભારત આદિવાસી સંવિધાન સેના દ્વારા રાજ્યના મુખ્યપ્રધાન ભુપેન્દ્ર પટેલને સંબોધીને એક આવેદનપત્ર પાઠવવામાં આવ્યું છે જેમાં જણાવ્યા અનુસાર ગુજરાત રાજ્યના જાણીતા વાર્તાકાર રાજભા ગઢવીએ એક ડાયરામાં જંગલમાં રહેતા આદિવાસી લોકોને જંગલી અને લૂંટારા કહી સમગ્ર સમાજને ખૂબ મોટો આઘાત થાય તેવી માનહાની કરી છે ત્યારે આ દેશના મૂળ માલિક આદિવાસી છે જેઓ પોતાની સંસ્કૃતિ અને પર્યાવરણનું જતન કરનારા છે.

બહારથી આવેલી બીજી જાતિઓએ આ સમાજનું રાજકીય, આર્થિક ભૌતિક, સામાજિક દરેક રીતે શોષણ કર્યું છે, ત્યારે દિશા વિહિન સમાજને લોકશાહીમાં આવી રીતે જાહેરમાં બદનામ કરવો એ ખૂબ મોટો ગુનો કહેવાય. રાજભા ગઢવી પર એટ્રોસિટી એટ્રોસિટી એક્ટ હેઠળ ગુનો દાખલ કરવાની માંગ કરવામાં આવી છે. ભારત આદિવાસી સંવિધાન સેનાના રાજુ વસાવા સહિતના આગેવાનો દ્વારા મુખ્યપ્રધાન ભુપેન્દ્ર પટેલ આવેદનપત્ર પાઠવી આ માંગ કરવામાં આવી છે