ભરૂચ:અસ્મિતા વિકાસ કેન્દ્રના દિવ્યાંગ બાળકો રાખડી બનાવી આત્મનિર્ભર બન્યા

આપણે કોઈને એક સમયનું ભોજન આપીએ તો તે  ઉત્તમ સેવા જ છે, પણ કોઈ વ્યક્તિ જિંદગીભર  પોતાનો રોટલો જાતે  કમાઈ શકે તેવું તૈયાર કરીએ અને આત્મનિર્ભર બનાવીએ તો તે સૌથી શ્રેષ્ઠ કર્મ છે. આવું જ કામ કરી રહી છે ભરૂચના ત્રાલસા ખાતે આવેલ અસ્મિતા વિકાસ કેન્દ્ર સંસ્થા... સંસ્થામાં મનો દિવ્યાંગ બાળકોને લાગતા ઘણા પ્રોજેક્ટ ચાલે છે.

તેમાંનું જ એક રક્ષાબંધન નિમિત્તે બાળકોને રાખડી બનાવતા શીખવાડી અને આ રાખડી બજાર વેચી જે ઉપાર્જન થાય તે નાણાં આ ગરીબ બાળકોના ખાતામાં જમા કરવામાં આવે છે.આ ઉપરાંત અહીં અગરબત્તી , ફાઈલ, કોડિયા, રાખડી, કાપડની બેગ વગેરે વસ્તુઓ બનાવવા માટેની તાલીમ પણ આપવામાં આવે છે જેનાથી વિદ્યાર્થીઓ આત્મનિર્ભર બને છે.