• ભરૂચ શહેરમાં કચરાની ગંભીર પરિસ્થિતિ

• શહેરના માર્ગો બન્યા ઉકરડા

• વિવિધ સ્થળોએ મુકવામાં આવેલ કચરા પેટી ઉભરાય

• ડોર ટુ ડોર કચરા કલેક્શન સેવા પણ બંધ

• સ્થાયી ડમ્પિંગ સાઈટના અભાવે સર્જાય પરિસ્થિતિ

ભરૂચ નગર સેવાસદની ડમ્પીંગ સાઈડ નો વિવાદ હવે ગંભીર સમસ્યા આકાર લઈ રહ્યો છે નગર સેવાસદનને સ્થાયી ડમ્પીંગ સાઈડ ન મળતા હવે શહેર જ જાણે ઉકરડો બની રહ્યું છે.ભરૂચ શહેરના કચરાનો નિકાલ કરવા માટે નગરપાલિકા ડમ્પિંગ સાઈટ શોધી શકતી નથી એટલે 200 ટનથી વધુ કચરાનો 5 દિવસથી નિકાલ કરી શકાયો નથી અને શહેરના ખૂણા, ચારરસ્તા જાણે ઉકરડા બની ગયા હોય એવા દ્રશ્યો જોવા મળી રહ્યા છે.

આ તરફ કચરો ઉઘરાવવા માટે ડોર ટુ ડોર  ફરતા 30 જેટલા ટેમ્પો પણ કચરાથી ભરાઈ ગયા છે એટલે ડોર-ટુ-ડોર વેસ્ટ કલેક્શન પણ બંધ થઈ ગયું છે. આ કારણે લોકોના ઘરની કચરા પેટીઓ પણ ઉભરાઈ ગઈ છે.પાલિકા ડમ્પિંગ સાઈટ માટે જ્યાં જગ્યા શોધે છે ત્યાં વિરોધનો સામનો કરવો પડે છે. આ કારણે પાલિકા પણ અટવાઈ છે. આ અંગે વિપક્ષ કોંગ્રેસ દ્વારા નગર સેવાસદન પર આક્ષેપ કરવામાં આવ્યા છે.

વિપક્ષના નેતા સમસાદ અલી સૈયદે જણાવ્યું હતું કે નગરસેવા સદન દ્વારા આટલા વર્ષો બાદ પણ સ્થાયી ડમ્પિંગ સાઈટ શોધી શકાતી નથી જેના કારણે ભરૂચ શહેરમાં ઠેર ઠેર કચરાના ઢગ જોવા મળી રહ્યા છે ત્યારે આ સમસ્યાના વહેલી તકે નિરાકરણની તેઓ દ્વારા માંગ કરવામાં આવી છે.