ભરૂચ WICASAની શાખા દ્વારા ICAI ભવન ખાતે રાષ્ટ્રીય પ્રતિભા શોધ 2025 સફળતાપૂર્વક આયોજન કરવામાં આવ્યું હતું. આ કાર્યક્રમમાં તેજસ્વી વિદ્યાર્થીઓ ભેગા થયા હતા, દરેકે પોતાની બુદ્ધિ, સર્જનાત્મકતા અને આત્મવિશ્વાસ દર્શાવ્યો હતો.

આ સ્પર્ધામાં નિર્ણાયક તરીકે CA એસ.એમ.પારીક અને CA હિમા પટેલ ઉપસ્થિત રહ્યા હતા.અને તેમના સમજદાર મૂલ્યાંકન, વ્યાવસાયિક કુશળતા અને પ્રોત્સાહક શબ્દોએ સહભાગીઓને માર્ગદર્શન આપ્યું અને સ્પર્ધાને ન્યાયી અને પ્રેરણાદાયક બનાવી હતી.

આ પ્રસંગે નિબંધ,ચર્ચા,વકતૃત્વ,ક્વિઝ સહિતની સ્પર્ધામાં વિદ્યાર્થીઓએ  ઉત્સાહપૂર્વક ભાગ લીધો હતો. જેમાં નિબંધ સ્પર્ધામાં પ્રથમક્રમે હુસૈન ખંભાતી,બીજા ક્રમે રુસીફા રફીક ભોચકા અને ત્રીજા ક્રમે ઉજમા ઇરફાન પોઠિયાવાલા વિજેતા બન્યા હતા,જ્યારે ચર્ચા સ્પર્ધામાં પ્રથમક્રમે આર્ચી જૈન,બીજા ક્રમે વિઠ્ઠલાણી નીલ,અને વક્તૃત્વ સ્પર્ધામાં પ્રથમક્રમે શુક્લા મૈત્રી અમિતકુમાર, બીજાક્રમે રુસીફા રફીક ભોચકા વિજેતા બન્યા હતા,આ ઉપરાંત ક્વિઝ સ્પર્ધામાં પ્રથમક્રમે માહેરા ફારૂક મલેક અને રુસીફા રફીક ભોચકા વિજેતા જાહેર થયા હતા.

WICASA Bharuch શાખાના ચેરપર્સન CA સન્ની.એસ.શાહએ WICASA ટીમ અને ભરૂચ શાખા સમિતિ વતી સૌ સ્પર્ધકોને અભિનંદન પાઠવ્યા હતા,અને આ કાર્યક્રમની ભવ્ય સફળતામાં પ્રતિબદ્ધતા અને યોગદાન આપવા બદલ બધા સહભાગીઓ, નિર્ણાયકો અને સ્વયંસેવકોનો પણ તેઓએ હૃદયપૂર્વક આભાર વ્યક્ત કર્યો હતો.