ભરૂચ: ન.પા.ના વોર્ડ નંબર 9 અને 5માં નિર્માણ પામનાર વિકાસના કાર્યોનું ખાતમુર્હુત, MLA રમેશ મિસ્ત્રી રહ્યા ઉપસ્થિત

ભરૂચમાં વિકાસના કાર્યોનો ધમધમાટ જોવા મળી રહ્યો છે.મુખ્યમંત્રી શહેરી વિકાસ યોજના અંતર્ગત વિકાસના વિવિધ કાર્યો નિર્માણ પામવા જઈ રહ્યા છે ત્યારે નગર સેવા સદનના વોર્ડ નંબર 9 અને 5માં નિર્માણ પામનાર વિકાસના વિવિધ કાર્યોનો ખાતમુર્હુત સમારોહ યોજાયો હતો.આ પ્રસંગે ધારાસભ્ય રમેશ મિસ્ત્રી, નગરપાલિકાના પ્રમુખ વિભૂતિ યાદવ સહિત સ્થાનિક નગરસેવકો અને આગેવાનો ઉપસ્થિત રહ્યા હતા.વોર્ડ નંબર નવમાં રૂપિયા 1.25 કરોડના ખર્ચે સીસીરોડ અને પેવર બ્લોક સહિત 24 જેટલા કામો નિર્માણ પામશે તો વોર્ડ નંબર પાંચમાં રૂપિયા 30 લાખના ખર્ચે પેવર બ્લોક પ્રોટેક્શન સહિતના સાત કામોનું નિર્માણ થવા જઈ રહ્યું છે ત્યારે આ તમામ કાર્યોનું ખાતર્મુહુત કરવામાં આવ્યું હતું. માર્ગોનું નિર્માણ થતાં સ્થાનિકોની સમસ્યાનો અંત આવશે.