ભરૂચ: આજે ઓરેંજ એલર્ટ, નેત્રંગ સૌથી વધુ 7.5 ઇંચ વરસાદ ખાબક્યો

ભરૂચ શહેર અને જિલ્લામાં છેલ્લા ત્રણ દિવસથી વરસાદી માહોલ જોવા મળી રહ્યો છે. ઠેર ઠેર વરસાદ વરસાદના કારણે વાતાવરણમાં ઠંડક પ્રસરી છે.સૌથી વધુ નેત્રંગમાં સાડા સાત ઇંચ વરસાદ નોંધાયો હતો.  જેના પગલે જળબમ્બાકારની પરિસ્થિતિનું નિર્માણ થયું હતું. અત્ર તત્ર સર્વત્ર પાણી જ પાણી નજરે પડ્યું હતું.

ભરૂચ જિલ્લામાં વરસાદના તાલુકા પર આંકડા પર નજર કરીએ તો જંબુસર 4મી.મી.આમોદ  8 મી.મી.વાગરા 13  મી.મી.ભરૂચ 15 મી.મી.ઝઘડિયા 12મી.મી.અંકલેશ્વર 12 મી.મી.હાંસોટ 1 ઇંચ,વાલિયા 15 મી.મી.અને નેત્રંગમાં 7.56 ઇંચ વરસાદ ખાબક્યો હતો.આજે પણ ભરૂચ જિલ્લામાં હવામાન વિભાગ દ્વારા ઓરેન્જ એલર્ટ જાહેર કરવામાં આવ્યું છે જેના પગલે વિવિધ તાલુકાઓમાં ભારતીય અતિ ભારે વરસાદ વરસી શકે છે આ સાથે જ સમગ્ર દક્ષિણ ગુજરાતમાં પણ વરસાદની આગાહી કરવામાં આવી છે