ભરૂચ શહેરના અજંતા નગર, અંબિકા નગર,મહાવીર નગર સોસાયટી પાસે હંગામી ડંપિંગ સાઇટને પગલે સ્થાનિકો હેરાન પરેશાન બન્યા ભરૂચ શહેરના સાબુઘર પાસે હંગામી ડંપિંગ સાઇડ ઉભી કરવામાં આવતા ભરૂચના શક્તિનાથ વિસ્તારમાં આવેલ મહાવીર નગર,અંબિકા નગર અને અંજતા નગર સોસાયટીના સ્થાનિકોએ ગંદકી અને દુર્ગંધથી હેરાન પરેશાન બન્યા છે.ત્યારે આજરોજ સ્થાનિકો સ્થળ પર પહોંચી રામધુમ કરી વિરોધ નોંધાવ્યો હતો.

છેલ્લા 4 વર્ષથી આ હંગામી ડંપિંગ સાઇટમાં શહેરનો કચરો ઠાલવવામાં આવતા ત્રણ સોસાયટીના રહીશોએ દુર્ગંધને કારણે ઘરના બહાર નીકળવું મુશ્કેલી બન્યું છે.ઉપરાંત સ્થાનિકોને પાલિકા કચેરી સહિતની કચેરીઓમાં રજુઆત કરતા તેઓનો કચરો ઉપાડવાનો બંધ કરી દેવામાં આવતા સ્થાનિકો તંત્ર સામે મજબુર બન્યા છે.ત કાયમી માટે આ હંગામી ડંપિંગ સાઇડ બંધ કરવામાં આવે તેવી માંગ કરવામાં આવી છે.જો આ પ્રવૃત્તિ બંધ નહીં કરવામાં આવે તો આંદોલન સાથે ઉચ્ચ કક્ષાએ રજુઆત કરવાની ચીમકી ઉચ્ચારવામા આવી છે.