ભરૂચ: રનીંગ ક્લબ દ્વારા સતત ત્રીજા વર્ષે મેરેથોન દોડનું આયોજન

ભરૂચ રનીગ ક્લબ અને રોકવુલ કંપનીના સંયુક્ત ઉપક્રમે  મેરેથોન દોડનું આયોજન કરવામાં આવ્યું હતું જેમાં મોટી સંખ્યામાં લોકો જોડાયા હતા

રાજ્ય સરકાર દ્વારા હાલ સ્વચ્છતા હી સેવા પખવાડિયાની ઉજવણી કરવામાં આવી રહી છે તે દરમિયાન ભરૂચમાં મેરેથો દોડનું આયોજન કરવામાં આવ્યું હતું. ભરૂચ રનીંગ ક્લબ અને રોકવુલ કંપનીના સંયુક્ત ઉપક્રમે આયોજિત મેરેથોનનું ભરૂચની જે.પી.કોલેજ ખાતેથી પ્રસ્થાન કરાવવામાં આવ્યું હતું. આ પ્રસંગે ભરૂચના ધારાસભ્ય રમેશ મિસ્ત્રી,કલેકટર તુષાર સુમેરા,ભરૂચ જિલ્લા ભાજપના પ્રમુખ મારુતિસિંહ અટોદરીયા, બાંધકામ સમિતિના ચેરમેન ધર્મેશ મિસ્ત્રી સહિતના આગેવાનો તેમજ કર્મચારીઓ મોટી સંખ્યામાં ઉપસ્થિત થયા હતા.સતત ત્રીજા વર્ષે રનર્સ ક્લબ દ્વારા આ આયોજન કરવામાં આવ્યું હતું જેમાં મોટી સંખ્યામાં દોડવીરો જોડાયા હતા અને ઉત્સાહભેર ભાગ લીધો હતો