ભરૂચ: નૈઋત્યના ચોમાસાની સત્તાવાર વિદાય વચ્ચે છૂટોછવાયો વરસાદ, વાતાવરણમાં આંશિક ઠંડક

નૈઋત્યના ચોમાસાની સત્તાવાર વિદાય વચ્ચે ભરૂચ શહેરના વાતાવરણમાં પલટો આવ્યો હતો.શહેરના અનેક વિસ્તારોમાં છૂટોછવાયો વરસાદ વરસ્યો હતો. ભરૂચ શહેરમાં આજે વાતાવરણમાં પલટો નોંધાયો છે.

વાદળછાયા માહોલ વચ્ચે શહેરના અનેક વિસ્તારોમાં છૂટાછવાયા વરસાદના ઝાપટાં પડ્યા હતા.કલેક્ટર કચેરી વિસ્તાર, શક્તિનાથ, પાંચબત્તી, સેવાશ્રમ રોડ સહિતના વિસ્તારોમાં હળવાથી મધ્યમ વરસાદ નોંધાયો છે. જેના કારણે માહોલ ઠંડો થઈ ગયો છે.

હવામાન વિભાગે આગામી કલાકોમાં પણ ભરૂચ તેમજ આસપાસના વિસ્તારોમાં છૂટાછવાયા વરસાદની સંભાવના વ્યક્ત કરી છે. એક તરફ નૈઋત્યના ચોમાસએ સત્તાવાર વિદાય લીધી છે એવામાં બીજી તરફ રાજ્યના અનેક વિસ્તારોમાં છૂટોછવાયો વરસાદ વરસી રહ્યો છે.