ભરૂચ : રાજપારડીની ભૂંડવા ખાડીના પુલ પરથી હાઇવા ટ્રક નીચે ખાબક્યો...

ભરૂચ જિલ્લાના ઝઘડિયા તાલુકાના રાજપારડી નજીક આવેલ ભૂંડવા ખાડીના પુલ પરથી હાઇવા ટ્રક નીચે ખાબકતાં અકસ્માત સર્જાયો હતો.

ભરૂચ જિલ્લાના ઝઘડિયા તાલુકાના રાજપારડી નજીક ભૂંડવા ખાડીના પુલ પરથી પસાર થઈ રહેલ હાઇવા ટ્રકનો અકસ્માત સર્જાયો હતો. હાઈવા ટ્રક ઝઘડિયા તરફથી રાજપારડી તરફ આવી રહ્યો હતો, તે સમયે ચાલાકે સ્ટિયરિંગ પરથી કાબુ ગુમાવતા કે, અન્ય કોઈ કારણોસર હાઈવા ટ્રક ભૂંડવા ખાડીના પુલ પરથી રેલિંગ તોડીને નીચે ખાબક્યો હતો. બનાવની જાણ થતાં જ આસપાસના લોકો ઘટના સ્થળે દોડી આવ્યા હતા. આ અકસ્માતમાં કોઈ જાનહાનિ નહીં સર્જાતા લોકોએ હાશકારો અનુભવ્યો હતો.