“ભરૂચ કી બેટી”નું આહ્વાન : કોંગ્રેસ નેતા મુમતાઝ પટેલે દિલ્હી ખાતે આયોજિત “દિલ્હી ન્યાય યાત્રા”માં લોકોને જોડાવા અપીલ કરી...

દિલ્હી ખાતે આયોજિત ન્યાય યાત્રામાં લોકોને જોડાવા માટે ભરૂચની બેટી અને મરહુમ સાંસદ અહેમદ પટેલની દીકરી મુમતાજ પટેલ દ્વારા લોકોને આહ્વાન કરવામાં આવ્યું હતું.

કોંગ્રેસ નેતા રાહુલ ગાંધીની 'ભારત જોડો' યાત્રાથી પ્રેરિત 'દિલ્હી ન્યાય યાત્રા'નો કોંગ્રેસ દ્વારા દિલ્હીના રાજઘાટથી પ્રારંભ કરવામાં આવ્યો છે. 'દિલ્હી ન્યાય યાત્રા'નો ઉદ્દેશ્ય છેલ્લા એક દાયકાથી દિલ્હીમાં સત્તામાં રહેલી આમ આદમી પાર્ટી (AAP) સરકારની નીતિઓની ટીકા કરીને લોકોને કેન્દ્રમાં રાખવાનો છે. આ યાત્રા દરમિયાન કોંગ્રેસના નેતાઓનું ધ્યાન પીવાનું પાણી, શિક્ષણ, આરોગ્ય અને મૂળભૂત સુવિધાઓના અભાવ જેવા મુદ્દાઓ પર આમ આદમી પાર્ટીની સરકારને ઘેરવા પર રહેશે, ત્યારે ભરૂચની બેટી અને મરહુમ સાંસદ અહેમદ પટેલની દીકરી મુમતાજ પટેલ દિલ્હી ખાતે આયોજિત દિલ્હી ન્યાય યાત્રામાં લોકોને જોડાવા માટે આહ્વાન કર્યું હતું. આ યાત્રા સતત એક મહિના સુધી ચાલશે, અને દિલ્હીની 17 વિધાનસભામાં ફરશે, ત્યારે 'દિલ્હી ન્યાય યાત્રામાં કોંગ્રેસના આગેવાનો, કાર્યકરો સહિત મોટી સંખ્યામાં નાગરિકો જોડાયા હતા.