ભરૂચ: ઇન્સ્ટાગ્રામ પર મિત્રની પત્નીને હેરાન કરનાર યુવાનની સાયબર ક્રાઇમ પોલીસે કરી ધરપકડ

ભરૂચ સાયબર ક્રાઇમ પોલીસની કાર્યવાહી

ઇન્સ્ટાગ્રામ એકાઉન્ટ હેક કરનાર આરોપી ઝડપાયો

ઇન્સ્ટાગ્રામ પર મિત્રની પત્નીને કરતો હતો વિડીયો કોલ

લગ્નજીવનમાં ભંગાણ પાડવાનો કર્યો હતો પ્રયાસ

પોલીસે કાયદેસરની કાર્યવાહી હાથ ધરી

ભરૂચ સાયબર ક્રાઇમ પોલીસે ઇન્સ્ટાગ્રામનું એકાઉન્ટ હેક કરી યુવતીને વિડિયો કોલથી હેરાન કરતાં ઇસમની ધરપકડ કરી કાયદેસરની કાર્યવાહી હાથ ધરી છે. ભરૂચ સાયબર ક્રાઇમ પોલીસ સ્ટેશનમાં એક ગુનો નોંધાયો હતો જેની વિગતો અનુસાર  ફરીયાદીના ઇન્સ્ટાગ્રામ એકાઉન્ટનો પાસવર્ડ આ ગુનાના આરોપી પિયુષ પ્રજાપતિ દ્વારા ફરીયાદીની જાણ બહાર ચોરી-છુપીથી મેળવી લેવામાં આવ્યો હતો..

બાદમાં ઇન્સ્ટાગ્રામ એકાઉન્ટનો ઉપયોગ કરી ફરીયાદીના નામથી ફરીયાદીની પત્નિ સાથે ઇન્સ્ટાગ્રામ એકાઉન્ટ ઉપર વિડિયો કોલથી હેરાન કરીને તથા અન્ય વાતચીત કરીને ફરીયાદીને તથા તેના પરીવારને હેરાન કરવામાં આવતો હતો.

આ અંગે સાયબર ક્રાઇમ પોલીસ મથકમાં ફરિયાદ નોંધાતા પોલીસે ટેકનીકલ એનાલીસીસ કરી હ્યુમન ઇન્ટેલીજન્સના આધારે ભરૂચના ચાવજમાં રહેતા આરોપી પિયુષ પ્રજાપતિની ધરપકડ કરી કાયદેસરની કાર્યવાહી હાથ ધરી છે..