અંકલેશ્વર ઉદ્યોગ મંડળના હોદ્દેદારોની વરણી, હિંમત શેલડિયા બન્યા પ્રમુખ

અંકલેશ્વર ઉદ્યોગ મંડળની ચૂંટણી તારીખ 29મી ની જૂનના રોજ યોજાઈ  હતી,સહયોગ અને વિકાસ પેનલ વચ્ચે યોજાયેલા ચૂંટણી જંગમાં વિકાસ પેનલના 5 અને સહયોગ પેનલના 3 ઉમેદવારો વિજેતા બન્યા હતા,ઉદ્યોગ મંડળની ચૂંટણી પૂર્ણ થયા બાદ ઉદ્યોગ મંડળ ખાતે એક બોર્ડ મિટિંગમાં વર્ષ 2024 - 25 માટેના પ્રમુખ સહિતના હોદ્દેદારોની વરણી કરવામાં આવી હતી.

જેમાં પ્રમુખ તરીકે હિંમત.બી.શેલડિયા, ઉપપ્રમુખ તરીકે હસમુખ.ડી.દુધાત અને નટુ.બી.પટેલ,જ્યારે જનરલ સેક્રેટરી તરીકે હરેશ.જી.પટેલની વરણી કરવામાં આવી હતી. આ ઉપરાંત ખજાનચી પદે ડો.દેવ શરનસીંગ,જોઈન્ટ સેક્રેટરી પદ પર પ્રશાંત.પી.પટેલ અને ડો.ઉમેશ ગોંડલિયાની વરણી કરવામાં આવી હતી.ઉદ્યોગ મંડળ તમામ હોદ્દેદારો પર ઉદ્યોગકાર મિત્રોએ અભિનંદનનો વરસાદ વરસાવ્યો હતો.