ભરૂચના હાંસોટ તાલુકાના ઇલાવ ગામની આર.કે.વકીલ હાઈસ્કૂલમાં અભ્યાસ કરતા 500થી વધુ બાળકોને હેમલતાબહેન ચેરીટેબલ ટ્રસ્ટ તેમજ પ્રોલાઈફ ફાઉન્ડેશન દ્વારા યુનિફોર્મ તેમજ બુટનું વિતરણ કરવામાં આવ્યું હતું.

ભરૂચના હાંસોટ તાલુકાના ઇલાવ ગામે આદર્શ કેળવણી મંડળ ટ્રસ્ટ સંચાલિત આર.કે.વકીલ હાઇસ્કુલ અને આલકા પ્રાઇમરી શાળા આવેલી છે આ શાળામાં અભ્યાસ કરતા 500થી વધુ વિદ્યાર્થીઓને યુનિફોર્મ અને બુટ કોસંબાના હેમલતા ચેરીટેબલ ટ્રસ્ટ અને પાનોલીના પ્રોલાઈફ ફાઉન્ડેશન દ્વારા આપવમાં આવ્યા છે.હેમલતાબહેન ચેરીટેબલ ટ્રસ્ટના કેસરીમલ શાહ દ્વારા વિદ્યાર્થીઓને યુનિફોર્મ તો પ્રોલાઈફ ફાઉન્ડેશનના કરણ જોલી, યોગેશ પારિક અને તેમની ટીમ દ્વારા સામાજિક જવાબદારીના ભાગરૂપે આ માટે આર્થિક સહયોગ આપવામાં આવ્યો છે.

યુનિફોર્મ વિતરણનો આજરોજ કાર્યક્રમ યોજાયો હતો. આ પ્રસંગે હેમલતા ચેરીટેબલ ટ્રસ્ટના કેસરીમલ શાહ,હાંસોટ તાલુકા પંચાયતના સભ્ય જયેશ પટેલ,મંડળના પ્રમુખ તુષાર પટેલ, ઉપ-પ્રમુખ ઉમેદભાઈ પટેલ, સેક્રેટરી ભગવતી પટેલ, પ્રોલાઈફ ફાઉન્ડેશનના પ્રતિનિધિ અને મંડળના સભ્ય જય વ્યાસ, મંડળના સલાહકાર ચંદ્રકાન્ત ભટ્ટ, રાજેન્દ્ર કઠવાડીયા, શાળાના આચાર્ય ધર્મેશ જોશી પ્રાથમિક વિભાગના આચાર્ય જયેશ પટેલ સહિત શાળા પરિવાર તેમજ શિક્ષકો ઉપસ્થિત રહ્યા હતા.

આ પ્રસંગે મહાનુભાવોના હસ્તે બાળકોને યુનિફોર્મ તેમજ બુટનું વિતરણ કરવામાં આવ્યું હતું. તો સાથે જ પર્યાવરણની જાળવણીના હેતુસર વૃક્ષારોપાણ કરવામાં આવ્યું હતું. શાળા પરિવાર દ્વારા હેમલતા ચેરીટેબલ ટ્રસ્ટ અને પ્રોલાઇફ ફાઉન્ડેશનના આગેવાનોનું શાલ ઓઢાડી,સન્માન પત્ર આપી અભિવાદન કરવામાં આવ્યું હતું.