અંકલેશ્વર: હરિયાળું બનાવવા લાયન્સ ક્લબની પહેલ, નિઃશુલ્ક રોપાઓનું વિતરણ

ભરૂચ જિલ્લાના અંકલેશ્વર જીઆઇડીસી ખાતે લાયન્સ ક્લબ ઓફ વુમન અને ઇન્ડસ્ટ્રીયલ એરિયા દ્વારા નિઃશુલ્ક રોપા વિતરણ કાર્યક્રમનું આયોજન કરવામાં આવ્યું હતું.

ભરૂચ જિલ્લાના અંકલેશ્વર શહેરને હરિયાળું બનાવવા લાયન્સ ક્લબ દ્વારા અનોખી પહેલ કરવામાં આવી છે. લાયન્સ ક્લબ ઓફ અંકલેશ્વર વુમન અને લાયન્સ ક્લબ ઓફ ઇન્ડસ્ટ્રીયલ એરિયા દ્વારા જીઆઇડીસીની ગોલ્ડન ચોકડી નજીક નિઃશુલ્ક રોપા વિતરણના કાર્યક્રમનું આયોજન કરવામાં આવ્યું હતું, આ પ્રસંગે લાયન્સ ક્લબ ઓફ અંકલેશ્વર વુમન પ્રમુખ મનીષા દુધાત, લાયન્સ ઓફ  ઇન્ડસ્ટ્રીયલ એરિયા પ્રમુખ રાજેશ દુધાત, સેક્રેટરી પ્રકાશ ચૌહાણ, પ્રોજેક્ટ ચેરમેન ઘનશ્યામ હિરપરા સહિત લાયન્સ ક્લબના સભ્યો ઉપસ્થિત રહ્યા હતા. લાયન્સ ક્લબના રિજિયન ચેરમેન શૈલેષ પટેલ કાર્યક્રમ વિશેષ ઉપસ્થિત રહીને વધુમાં વધુ વૃક્ષારોપણ કરીને ગ્રીન બેલ્ટ વિકસાવવા માટે પ્રજાજોગ અપીલ કરી હતી, જ્યારે લાયન્સ ક્લબની કામગીરીને લોકોએ બિરદાવી પ્રશંસા કરી હતી.